للعيد فرحهـ فليش الفرح ما تدله نصابو لطشته

العيـد جـانا فكلن يدمح الزلّة = عن صاحبه كان بالإيمان مليـاني
الله يامر وشرعه لازم نجـلّه = فالهجر ممنوع في الإسلام ياخواني
تصفا نفوسن مع الإيام معتلّة = نبـدا السنّة كلنا احبـاب وعـواني
لو كل واحد يفكر مصدر العلّة = يلقى السبب فكرْ بالأحـوال غلطاني
تفكيرْنا يلقط الاخطاء من خلّه = يبيه دايـم علـى كيفـه بالالحـاني
متعودين النفاق ودوم ما نملّه = امّا الصراحة وقـول الحـق عدواني
هذا هو السر في الإحباط والذلّه = فالعيش في وهم مصدر ذل الانساني
يا صاحبي ابتسم والقلب لا تعله= خلك وسيع الصدر بالفعـل ولساني
لا تعقد الأمر تمسك ابسط الزلة= طنش وعش ، لا تبـوّز دوم زعلاني
وان كان تزعل تخسر الكون وتملّه= وتعيش دوم العمر بالحزن وحداني
للعيد فرحه فليش الفرح ما تدله = تضحك وتنسى هموم الوقت واحزاني