للبنوتات فقط والمتزوجات اللي تبى تساعد حياها الله(:

السلام عليكم والرحمة

من زمان وأنا متابعة بصمت فالمنتدى..اشوف الخلطات اجرب خلطة وتعيبني وخلطة تلعوز بي
وأخيرا قررت اشارك

شوفوا انا دووم فالمنتديات اشوف تجمعات للبنات يتشاورون فيها بالخلطات وكل وحدة اتشجع الثانية
ويتبادلون خبراتهم .. فحبيت انا احنا بنوتات الامارات يكون لنا تجمعنا الخاص
نفيد ونستفيد من بعض

انا واااايد اشوف بنات يشتكوون اللي اتقول مو باجي على عرسي الا شهر واللي انقذوني..واكيد انتوا مرن عليكم
وشفتوا كيف هم متلعوزات ومتوترات
فليش نحط عمارنا بهالموقف..ليش ما نبدأ من الحين طالما قاعدين وبراحتنا..ليش ما نحط نظام يناسبنا
ويكون روتين..بحيث الوحدة إذا انخطبت او صار عندها مناسبة اتكون اوريدي جاهزة ومستعدة..وبشرتها حلوة لانها اوريدي مهتمة بنفسها
ومو شرط عشان الناس .. عشانج انتي وثقتج بنفسج

اشرايكم كل وحدة اتحط الجدول اللي يناسبها مو شرط شرات حد عادي لانه مثل ما اتعرفون كل وحدة وبشرتها

انحط جدول للشعر والويه والجسم كله وحتى المناطق الحساسة جدول فيه الترطيب والتبيض او اي شي تبون

مو شرط انحط خلطات عجيبة غريبة خنفشارية .. اهم شي انا انكون مهتمين .. ونبدأ فالبداية باشياء بسيطة
حتى ما نمل او نستثقل الموضوع..اهم شي يا بنات الاستمرارية .. يعني ابى كل وحدة تدخل كل يوم وتخبرنا
شو سوت وتحط جدولها عسب الغير يستفيد
ولو كنتي تستخدمين نفس الروتين عادي ادخلي وخبرينا انج نفذتي روتينج
وحتى اللي تبى تضيف تمرينات رياضية .. وبعد اهم شي اهم شي الغذاء الصح
ترى العناية من الداخل اهم شي
يالله منو بتشارك معاي
يالله يا عسولات اتشجعن الله يقويني ويقويكم

وانا اول وحدة اتسجل فهذا التجمع

منو معاي