لاترمين الجريده

انا حبيت افيد احلى عضوات بمنتدى حواء الامارات بهذه الطرق

مثلا في الحديقة نقدر نستعمل الجريده علشان نعيق نمو العشب اضار وبعد علشان نخلي التربه رطبه حول النباتات لفتره اطول بما ان الجريده تمتص الماء والطريقه اننا نقطع الجريده ونقسمها وبعدها نغطيها بخليط السماد العضوي (وتجنبوا القسم اللي يلمع منها اذا كان موجود من ظمن الجريد لانه ممكن يحتوي على مواد كيماويه تظر النبات)

وغير هذا ممكن نستخدم الجرايد لحماية النبات من الطقس البارد او ممكن نستخدم الجريده باننا نزره النباتات اليديده (تذكرون درس العلوم بالكلينكس ؟ )

استخدام ثاني للابواب كعزل مؤقت للفتحات اللي بالابواب وغير هذا اذا يانا الشتا وكان في الباب فتحات وسديناها بيصير المكان ادفا !!

استخدام ثالث للجرايد يمكننا نستخدمها كمنظف للمرايا والنوافذ وتلميعها ….

اذا عندكم حيوانات بالبيت بامكانكم استخدام الجريده بانكم تحطونها تحت الحيوانات علشان يسهل عليكم تنظيف الفضلات ..

اذا ما كنتوا تعرفون هالمعلومه ترى الجرايد تمتص الروايح .. اي نعم الروايح مثل اذا عندكم بعض الجواتي فيها ريحه ممكن تحشون الجوتي بالجريده او اذا عندكم شنط او صناديق او علب الى اخره نفس الشي تحشونهم وتتركونها باليل محشايه علشان تروح الريحه ..

اذا عندكم اشياء تخافون يخترب شكلها او ما تبونها تتعفض بامكانكم حشوها بالجرايد مثل بعض الشنط النسائيه او الجواتي اي شي فيه تجويف تحبون تحافضون على شكله …

طبعا اذا بتشوون ممكن تستخدمونها كوسيله لاشعال النار بالفحم ..

اذا انتقلتوا من بيت لبيت وعندكم اشياء غاليه عليكم بامكانكم لف الاغراض بالجرايد علشان تحمونها

هذه النقطه اهداء لتاجرات منتدى حواء الامارات اذا عندكم طرد او شحنه بانكانكم تحشون صندوق الشحنه بالجريده وهذا الشي الاجانب دايما يسوونه ويحشون الطرود بالجرايد ..

اذا كنتي تطبخين وعلشان ما يصعب عليج التظيف افرشي مكان الطبخ بالجرايد ويوم بتخلصين شليها بيكون الامر سهل خاصه مع الفتتات المتساقط والزيت ..

اذا كنتو تحبون تصبغون وتغييرون بيتكم بامكانكم فرض الارضيه بالجرايد

وبعد استخدام الجريده لعمل عجينة للتشكيل ليستمتع بها الاطفال

خلااااااااااص تعبت اذا عندكم اي اضافه لا تبخلون علينا