كيف طريقة الضيافة من الى

إذا كان العصر وقت الضيوف ، من الظهر بجهز العجينه العجيبه اللذيذه مالتي (منها أقدر اسوي فطاير وبيتزا ودونات وسينابون وكل شي ههههه)
انزين وقبل لا يوصلون ، بسوي محلي زايد لأنه ياخذله ساعه ، أو بلاليط

وطبعاً أجهز دلة القهوه ودلة الكرك (( انا بعد يمدحون الكرك مالي كخخخخ)) وتحطين الدلال في الميلس ويا حرارة المعجنات وحرارة البلاليط والخبز

ولكن أهم شي أهم شي عندي ، أقدم عصير في البدايه في أكواب راقيه وتتسع لشوية عصير عشان يقدرون ياكلون

يعني مزه ، والي يحب القهوه بعد تتقدم في البدايه بعكس الكرك في النهايه

وأقدم سلطة الفواكه الفريش طبعاً مع التزيين وتكون في صحون صغيره زجاجيه مثل مالت الجيلي ، هذا لو كان عدد الضيوف مش أكثر من 4 لأن السلطه متعبه صراحه أما لو وايد ناس بحط سلة فواكه

وهم ياكلون الفواكه أحط في صحون لكل شخص معجنات وخبز << انا من النوع الي احب احط لكل شخص بروحه عشان أتأكد إنه كل ههههههه

وعفكره لو عندج محاشي ، عادي قدميها العصر لأن المحاشي في أي وقت تنوكل (( قوم ورق عنب وملفوف مب كوسا هههههه )) خاصه لو الضيوف حريم

المهم آخر شي ماننسى الكرك ، وقبل لا يطلعون ضيوفي أحب أعطرهم وأدخنهم من أحسن دخون أو عود عندي

بشكل عام ، حاولي تكونين طول الوقت ويا ضيوفج مش في المطبخ