كيف تتعاملين ويا ريلج في فترة الملجة

متى المفروض الوحدة تقدر تبادل شعورها مع ريلها في فتره الملجة ,, بشكل اوضح هل عادي لو الوحدة تقول حق ريلها حبيبي الله يحفظك ,, أو مثلا حتى أنا اشتقت لك يالغالي ,, و لا المفروض انه الوحدة ما تاخذ راحتها في الكلام مع ريلها بحكم انهم بعدهم في فترة الملجة ,, و المفروض تبين له انها خجوله و تستحي و ما تقدر تنطق باللي تحس فيه ؟؟

والله بحكم اني متزوجه..

والسموحة منج

مادري

^_^

انا صح ما تزوجة بس لو انتي صدج حسيتي انج حابتنه … ترا ما فيها شئ للانه ريلج جدام الله والناس يعني انتي حلاله … ترا الغرض من حفلة الزفاف بس الاشهار والاحتفال … فانا من راي ما فيها شئ بس احسن لا تقولين شئ لين تكوني متاكده منه اقصد شعورج اتجاها ويكون احسن لو هو الي بتدا …
والسموحه

انا الحين مالجة .

والله يسعدج غناتي

على حسب الريال والوضوع لو مخطوبين عن حب ولا عن طريق الاهل

على حسب الريال

اسمعي حبيبتي

بقولج احلى ايام فتره الملجه في البدايه وايد تحسينها صعبه حتى لما يتقرب منج تحسين غير
يعني انا مثلا كانت وايد زايغه اول مامسك ايدي صديته قلت اصبر اخاف تخاذ فكره غلط عني مع انه الحمدلله خلاص ريلي
علشان جيه لا تفكرين خليج على طبيعتج
بس بقولج في اشياء لازم تسوينها بغض النظر عن حبيبي وفديتك لااااا
مثلا تحمل على عمرك
الله يسهل دربك ما برتاح لين طمني وصلت ولا لآ
وعقب كل شي بطلع روحه انتي بتحسين من الله سبحانه سبحانه الله انج تحبينه وبتتقربين منه
بشكل حلو ويساعد علشان جيه لا تحاتين الحب بي مره وحده بس اول شي الاحترام
اكبري في عينه باحترامج له باسلوبج بكلامج حسسيه انج انتي خلاص كل شي في حياته
تقربي من اهله وخاصة امه اشتري لها هديه من فتره لفتره وقولي له انا حابه اهلك فاجائيه بشخصيتج بس تحملي تبالغين لانه كل بينجلب ضدج
ماعليج من الريال ترى يقول انتي خلاص حرمتي ومادري شو بس م اعليج منه طنشي ثقلي عليه في اشياء وبادري عليه باشياء فهمتي
وموفقه غناتي وسامحيني طولت عليج