هلا خواتي
كيف الحال ؟
بس اكتئبت
لقيت وظيفه جدا عاديه اتصور
بس كل وظيفه في لها تحدي
الوظيفه الي لقيتها التسويق عن طريق الهاتف لدورات في معهد!
انا سويت نفس الشي للمكتب استشاري كنت اشتغل فيه
المهم
انا اذني تعورني وفيها نقص في السمع يعني مااسمع دوم وكل شي بسبب شغلي السابق
ممكن احط التلفون على السبيكر او سماعات عاليه
بس مب دوم اقدر!
تعرفون كيف
وانا اصلا اذني حساسه للاصوات بشكل عام لو شي بسيط بيسوي لها مشكله والم
وللحين ماخبرتهم لاني اعرف بيسون لي طااااف 
في بنات غيري مقدمات وهن كل شي عندهن اوكي
امي رفضت قالت هذي مب وظيفه
واذنك بتتعب اكثر على ال فاضي
قعدتك في البيت والفلوس تاخذينها مني احسن!
وانا اكتئبت
مب عشان شي
بس كل ماطلعت لي فرصه تطلع لي مصيبه!
وبعديييييييييييييييييييييييييييييييييين
عندكم خبره في الموضوع
خلي الصوت عالوسط لا يكون عالي ولا يكون واطي ولو فيه مجال تخلينه عالسبيكر يكون احسن
ربي يشافيج ويعافيج
مشكورة اختي
ان شاء الله
انا تشجعت على الفكره بس امي قالت مايصير ومب ناقصه تخريب سمع
والشغل عادي فدوري احسن
بس انا قلت احسن من قعدت البيت بس بعدني بشوف شو بيصير هذا الاسبوع
دعواتكم 
بس والله مشكلة السمع صعبه
يعني ياريت لو يكون في لها علاج 
تعرفون اكثر شي صابني بالاحباط يوم رحت لطبيب عشان اكشف
يوم خبرته مااسمع صار يضحك!!!
مااعرف شو الي يضحك
اقدر ارد بس مارديت
اختي راجعي الدكور بالاول احسن وشرحي له المشكله والوظيفه..
اذا انتي ما تسمعين زين .. فيه سماعات نفس الي يستخدمونها الصم
وبالنسبه للدكتور الي ضحك غيريه وروحي لواحد ثاني وسوي فحوصات وصور ممكن يكون عندج مشاكل في الانف او الاذن
مشكورة اختي وجدان
ان شاء الله
انا رحت لواحد ثاني سوى بس قياس للسمع قال
الاذن اليمنى متاثره بس ضمن الطبيعي!
مااعطاني ادويه بس ادويه الزكام العاديه عشان تفتح المجاري الانفيه واعطاني معقم للاذن بس!!!!!!!
هذا من سنه وللحين راسي يعورني ومارجعت
بس بدور طبيب ثاني في مكان ثاني
اول اثنين كانوا مشكله
السماعات سمعت عنها بس مب مبسوطه البسهم!
طيب سويتي صوره للانف ؟؟
يمكن يكون عندج انحراف ويسبب صداع او جيوب انفيه
بس صحتج اهم من الوظيفه .. ان شاء الله اتحصلين وظيفه افضل
او تكون الدعايا عن المعهد عن طريق النت او تويتر والايميلا وفيس بوك
وبالشفاء ان شاء الله