السلام عليكم بنات
انا هاي ثاني ولادة لي وعندي كرشة فيها ترهل بسبب الوزن قبل الحمل فخايفة تزيد بعد هالحمل فكيف اقدر اخففها واي نوع مشد ترشحولي فيه حزام بلزقة او شورت او حزام تدخيل كامل بس علا البطن وفيه ناس تقول شيلة كيف نربطها ومتا نربط بعد الولادة بكم يوم
وغير الحزام شو مشروبات اقدر اشربها تساعدني ولا تاثر علا الحليب عشان البيبي وسو اكل اقدر آكله ما يزيد وزني زيادة ومتا اقدر امشي
وبعد بالنسبة للمنطقة تنصحوني بماي وملح ولا قشر رمان
ان شا الله بتربين بالسلامه
الكرشة ما لها حل غير الرياضة بشكل عام ورياضة البطن بشكل خاص + الترطيب
اما المشد فعن نفسي سبب لي ترهل بزيادة , وانا قرأت انه يرخى عضلات البطن وما يشدها
عليك بالرضاعة الطبيعة
سبحان الله تعدل الجسم
وتمارين كيجل ترجعين مثل العروس
انا عندي سبع عيال
ﻻ مشد وﻻ خرابيط
وبعد ما تكملي اﻻربعين سوي رياضة
اشفطي كرشتج طول الوقت (قصدي شدي العضلة على داخل)
تمي كل وقتج شادة العضلة لا تهدينها ، انا طول حياتي شافطة كرشتي
غير هالشي الرياضة والرضاعة واقلعي المشروبات الغازية
الله يوفقج
بقولج
كثري من الماي الدافي ان الماي البارد ينفخ البطن
كثري من الحليب خالي الدسم لان يزيد الحليب و يعطيج كالسيوم
كثري من السلطات و الشمندر و الفواكه مثل التفاح و موزه وحده فاليوم و الكيوي
اذا ولاتج طبيعيه عقب اسبوع او اسبوعين لين ما تخلص الالام شد الرحم الي تعووور واااايد
اشتريلج مشد من الصيدليه .. انا عندي مال نعومي مريح حتى ارقد فيه ساعات خخخخ بس مو دوم
او تاخذين المشد الي هو عباره عن الشورت ويا مال البطن كامل .. يعني مثل البرموده ..
في ماركه اسمها نسيت بس موجوده في صيدليات الكبيره واااايد اوكيه ويا كريم الشد و كريم حرق الدهون
حطي كريم حرق الدهون اول ما تنشين و امشي ع الخفيف مو تركضين بس عشان تستفيدين من الكريم
وبليل حطي زيت السيليوليت او كريم السيليوليت
والبس المشد بس وقت النوم شليه ..
بس انا كنت ارقد فيه خخخخخخخخ
و عقب ما تكملين شهر ردي سوي رياضه .. انا جي كنت ورحت جيم وحاله من 9 شهور توني واصله وزني الطبيعي و الكرشه موجوده بس صغرت يباله نسف شديد شكلي بتصل في داعش خخخخخ
ههههههههههههههههههههههه احلى بعفويتي ضحكتيني الله يغربلهم
انا اول حمل لي زدت 21 كيلو ويوم ربيت نقصت بس 10 وخلاف حملت وزدت بس 3 كيلو وربيت ونقصت بس 4
بعدين رديت الجيم وسويت رجيم ونقصت 9 كيلو ، بس الكرشة الصغيرونة الحلوة هاي يبالها ترقدين في الجيم
بس ويييييييييييييييييييييييييييييييييييين الحمدلله
هههههههه فديتج فطوم