سلام عليكم يا خواتي شحالكم
شخباركم
عندي ولدي تو دخل شهره السادس واحسن انه يباى يعض اي شيء…………..
ممكن تساعدوني كيف اعرف ان اسنانه سوف تظهر…..
وسلامتكم
ممكن تحسين بأنتفاخ لثته الاماميه و احمرار و يمكن يكون فيه اسهال حاولي تعطينه شي يعظه
انا اللي اعرفه ان الياهل يوم بتظهر اسنانه ييلس يمط اذنه وشعره وتيه حمى ويجيسه اسهال
والله اعلم
انا بنتي احينه بدت تطلع لها اسنان وهيه في نهاية الشهر السادس
بس تمت شهر كاااامل او شهر ونص وهيه تعض الاشياء
والحين قامت اتييها حمه واليوم اللي بين فيه السن ياها امساك
ومن عقبها كله اسهاااال
انتي سيري الصيدليه وبيعطيج جل مال الاسنان سويله بين فتره وفتره
بيخفف عليه وبيسهل انشالله
انا ولديه عمره 6 شهور الله يخليلي اياه ان شاءالله…
نفس الشي يبا يعض كل شي حتى لو ايدي، بس اتوقع ان الاسنان تظهر في نهاية الشهر السادس مب فالبدايه
والله اعلم…
ماشاء الله على عيالكم
عيل انا بنتي الله يحفظها من كل عين ما تصلي عالنبي
تبي تعض وتحاول تمط اذنها وفيها اسهال وكانت تيها حمى خفيفه
وماددري متى بتظهر لها الاسنان وهي الحينه عمرها 4 شهووور
يوم الخميس بتدخل 5 شهور
هل هذا طبيعي والا شو؟
أنا بنتي توه ظهرلها أول ضرص
بصراحه
يتها حمى قويه لدرجة ان الدكتور قاللي من إتي حرارتها 38 عطيها تحميله
بس الحمدلله مرت على خير كان خلال أربع أيام
يعني أهم شي تخلين عندج جل الأسنان وتفركينه على الثه
ساعات يرتاح الياهل يوم تحطين صبعج ويتم يعض عليه
واشتري أدول القطور وجيكي على حرارته
من تشوفين لثته إنتفخت وبدت تتشقق عطيه نص ملي أدول
لأن الحراره بترتفع عليه وسبحيه بماي معتدل الحراره
وكل شوي جيكي على حرارته
وإن شاءالله أول مايبين الضرص بيخوز عنه كل شي سبحان الله
وعن لي ينشدن عن عيالهن لي يالسين يعضون من الحينه تراه بعده يطول من مدة العض شهر أو شهر ونص جدام إلين ما يشق اللثه
ومن العلامات الواضحه للتسنين إن الخدود تحمر ويبدى الياهل يرون وايد وساعات يسمونه بعض الناس بو الروان
^_*
الله يونسكم فعيالكم يارب وبالسلامة في مهمتكم الإنسانية
أم شماسي