بنات شحالكم
ابا اعرف كيف اتسوين المكياج بالخطوات الخاصه بالعيون ؟؟
يعنــــي
اول شي كريم اساس بعدين البودرة وبالنسبة للعيون قبل لا تسوين المكياج شو النوع اللي تستخدمينه ويثبت المكياج << واللي تعرف تعطيني اسم النوعيه ,,
صح جي ؟؟؟؟
لاني دوووم اعفس الدنيا بويهي هع هع هع
ومشكووووووووووووووووووورين مقدماااا ع المساعده
UP<<<<<<UP
اب اب عسب الماكيرات ينصحونج
UP<<<<<<UP
[IMG]http://www.**************/fasel/Alhawe_Graphic_com_Line%2520(36).gif[/IMG]
يبيله ممارسة حبوبة ولازم اتشوفين مو بالكتابة وبس…والله يوفقج…
[IMG]http://www.**************/fasel/Alhawe_Graphic_com_Line%2520(36).gif[/IMG]
هيه ادري يباله ممارسة
وانا لاباس من ناحية رسم العين والشادوو بس ابا اعرف شو اللي تحطونه ويثبت الشادووو ؟؟
وكل وحده تذكر نوعيه اللي تستخدمه ؟؟؟؟؟؟؟؟؟؟؟؟؟؟؟؟
ومشكوووووووووووووووووووووورات
اول شي فيه مكياج للطلعات الخفيفة وهذا عادة كريم واقي الشمس وفوقه كريم اساس سايل خفيف وشوي بلاش عالخدود وشادو بنفس اللون وقلوس .. وشكلج يكون طبيعي وبدون مبالغة
بالنسبة للحفلات والعزايم : لازم التنظيف للبشرة وتحطين البيس المناسب للبشرة وحد منهن يستغنون عنه
فانصحج تستخدمين الاساس الستيك او مثل بعض الصوالين ما تحط .. يحطون لج سمر كيك او اي نوع من انوع الكريم المائي وعقب يحطون لج المكياج .. انا استخدم اللوشن الخفيف للبشرة واحط لي كريم اساس ستيك واحط البودرة وهذا كله بس على العيون .. وابدا شغل الاي شادو والتحديد وخلط اللون بالماي عشان الوضوح واحط الاي لاينر والماسكرا واللمعات واحدد الحواجب باستخدام البودرة الخاصة بها تخلطينها مع الماي .. وعقب اسوي على كاااامل البشرة كريم الاساس مع البودرة واحط البلاشر المناسب مع شوية بودرة لامعة بالنسبة للحفلات . ,احيانا احط الكريم + البودرة على ويهي كامل وعقب ابدا الرسم والفن .. ^^
بس هاي هي الخطوات ..
بس خطوات رسم العين :
اول شي تقررين شو لون الكحل ؟ ابيض ؟ ازرق ؟ اسود على حسب الحركة الي تبين تسوينها
وشو رسمة العين [ مفتوحة ] [ مصكرة ] [ سموكي ايز] ولا شو الحركة الي تبينها
اول شي : تنظفين العين من اي شي فيها .
ثاني شي : ترسمين الحاجب وتحطين اللون الابيض واللمعة تحت الحاجب
وعقب تحطين الاي شادو .. وعشان تثبتينه يستحسن تستخدمين الانواع الي تخلط بالماي بس لازم تكونين خبيرة بدمج الالوان .. ومن ثم تحطين اللمعات والرموش وترسمين بالاي لاينر وتحطين ماسكرا .. وبكذا خلصتي مكياج العيون . .
ولو بتحطين عدسة طبعا ً تحطينها قبل هذا كله ^^