السلام عليكم ورحمة الله وبركاته
هلا وسهلا بالذويـــــقات
حبيباتي ودي اغير لوك ريلي فاللبس
هو دايــم يلبس كندوره بيضاء وسفره حمرا او بنيه
اللي عندهن ذوق رفيــع وخبره فالموضه وألوان الفاشن بالنسبه للشباب تخبرني
للعلم هو اسمر فأريد اعرف شو الالوان اللي تناسبه
وإن شاء الله مابيخيب ضني في ذوقكن
ويكون الموضوع مفيد للكل ^^
مشكورات عزيزاتي مقدما ^^
فصلي له كنادير و سويله هدية طقم كندورة مع غترتها
بالنسبة للالوان عندج الرمادي و درجاته الفاتح و الغامج
البني بدرجاته
الازرق
الكحلي
الاسود
انا عن نفسي ما احب الالوان الفاقعه على كنادير الشباب احس مي شي خصوصا على السمر تغمجهم اكثر
احس الفواتح ارقى للسمر والحنطيين
والغتره مب حلووووووووووووووووووووووو تكون طقم ويا الندوره احلى شي الابيض ويا الابيض وبس
اهم شي الاهتمام بالترتيب من ناحيه اللحيه وهالسوالف والساعه والبوك والنعال ممكن الوان حتى لو فاقع تطلع ستايل والنظاره لا تنسين بعد
احلى شي هالشباب نظارات الراي بان
ما احلى الابيض .. بس عندج البيج .. الأخضر الفاااااااااااااااتح
البني الرملي
حلووو
مشكورات ياذويقاات ^^
حبوبه بما ان نحن داخلين ع الصيف….
فالالوان في الكنادير راحت موضتها!!!!
يعني الالوان مثل الازرق الاخضر والبني وغيره للشتاء فقط 
اما للصيف فالالوان تكون مثل الابيض والاف وايت بدرجاته …
لكن تقدرين تغيرين الموديل:-
يعني مثلا فصلي له كندوره قطرية،،
بالاضافة انج ممكن تفصلين اماراتية وتغيرين من ديزاين التطريز لانه في انواع،،
وتقدرين ايضا تفصلين له كويتيه،،
هذيل بالنسبه للكنادير..
ونروح للغتر ((( اجمل وافخم الالوان الاحمر والابيض والبيج ))لانهم يناسبون كل انواع والوان الكنادير
هذه مافي جعبتي حبيبتي ..
رغم اني مش متزوجه لكني احب الترتيب في ملابس اخواني
موفقه حبوبه
اي شي يلبسه فزاع مووضة ! خخخخخخخ
لا لا صدق .. مب شي الكنادير الملونة مووووووووول !! بس الألوان الفاااااااااااااتحة اوكي
اهم شي القطعة ! ما تكون هاللي وايد يابسة شرا الكرتون ! و مب لينة موول .. احين الشباب طايحين عالقطع الطايحة و اللينة و الكنادير العربية المخصرة –>> وايد واااع !!
خلج وسطية ! مب خفيفة و لا يابسة و مب ملونة ! و الغتر خذيله هالغتر الماركات قوم جيفنشي و دنهل .. نحن ناخذ حق ابوي فديته عسب يكشخ و الغترة الحمرة او الشماغ دووووووووم كشخة ترا احسها شخصية
اذا ريلج يلبس نظارة خذيله نظارة ماركة قوووووووووو و ستايل ! و لا تنسين النعال ! و الساعة !