السلام عليكم
خواتي أنا عندي ولدي عمره خمس شهور ونص ويعاني من إمساك
آخر مرة قعد تسع أيام بدون ما يسويها
ويوم سواها كان عادي مب يابس
خديته للدكتور وتخيلو شو عطاني
زيت الخروع ومكتوب على الغرشة زيت بارافين
سؤالي :في حد جرب هاالزيت
واللي عندها طريقة لعلاج الإمساك لا تبخل علي
يزاكم الله خير
للرفع…………..
عليج بماي غريب فناااااااااان
حطي شوي ماي غريب مع ماي عادي في رضاعه خليه يشرب وبعد نص ساعه يسويها وهو مرتاح
او اذا عندج ماي اسمه ماء مرقدوش للاطفال
وديه عند دكتور ثاني يمكن عنده خمول وكسل فالامعاء وبيعلمج طريقه تحفزينها فيه
وحاولي تعطينه تمرة او تمرتين كل يوم الصبح
وطريقتها انج تصبين ماي حار على التمرة وعقب اهرسيها وشربيه اياه
والله يعافيه يارب
حبيبتي انا صارلي نفس الشي مع بنتي يوم كان عمرها 5 شهور وبالضبط نفس حالة ولدج ويوم وديتها عند الدكتوره قالت مافيها شي بس ان حليبج ما صار يكفيها ولازم تبدين اتأكلينها وانا كنت ارضع بنتي طبيعي وما دخلت اكل كنت اترياها اتكمل 6 شهور بس من بديت اعطيها خضار وفواكهه بدا بطنها يمشي طبيعي..
المشاركة الأصلية كتبت بواسطة ابوظبي 
حطي شوي ماي غريب مع ماي عادي في رضاعه خليه يشرب وبعد نص ساعه يسويها وهو مرتاح
او اذا عندج ماي اسمه ماء مرقدوش للاطفال
مشكورة الغالية بجرب طريقتج
المشاركة الأصلية كتبت بواسطة أم هزاع وديه عند دكتور ثاني يمكن عنده خمول وكسل فالامعاء وبيعلمج طريقه تحفزينها فيه
وحاولي تعطينه تمرة او تمرتين كل يوم الصبح
وطريقتها انج تصبين ماي حار على التمرة وعقب اهرسيها وشربيه اياه
والله يعافيه يارب
يزاج الله خير الغالية
بس الدكتور كشف عليه وقال طبيعي