السلام عليكم ورحمة الله وبركاته
من كم يوم وأنا أتجول بهالقسم بصراحة حبيته وايد من أفكاركم وإبداعاتكم الحلوة
عاد من كم يت في بالي البلاليط وقلت بتفنن فيها بروحي بعدين خفت تطلع مب حلوة وأعقها ،، بس أباكم تساعدوني بطريقة حلوة ولذيذة وبكون شاكرة لكم مساعدتكم
ماشي اسهل عن البلاليط وتقريبا انا اسويه روحي ثلاث مرات ف الاسبوع ( لا اتقولن ليش قلت روحي اقصد ما اخلي البشاجير والشغالات ايسونه ) المهم اتحطين شوية زيت ف جدر واتحمرين البلاليط على خفيف انا ريلي ما ايحبه محمر اشويه ايحبه كله بنفس اللون فما اخليه يتحمر وايد ومن اشوفه اصفر اشويه اصب عليه الماي الحار واخليه ايفور اشويه لين اشوفه استوى اشخله بسرعه واحط له شكر على كثر الكميه الي امسوتنها واحط عليه شوية زعفران وشوية هيل مطحون واخلطه وارده ف الجدر مره ثانيه واغطيه عدل باقصدير واخليه على نار هاديه لين احس انه ماي الشكر نشف واغرفه ف طبقه واحط عليه قرص بيض وبالعافيه مقدما " اتمنى اني اكون افتدج ..
ميرووووه
هلاااا ..
بلاليطي ما يتم منه شي يوم اسويه جربي الطريقه وبتدعيلي ان شاء الله ….
اول شي اتحطين زيت في الجدر وتصبين ربع الجيس تقريبا وتحمرينه لين يستوي بني فاتح عقب تحطين الماي تتريينه لين يفور وبعدين حطي الكميه الباجيه من البلاليط وحركيه عشان ما يتم كتل انا احطه شوي شوي انثره يعني ما احطه مره وحده عشان ما يتعبني
خليه ع النار تقريبا ثلاث اربع دقايق لا تخلينه يستوي واايد يعني لين تحسين ان البلاليط لان اشوي مب عارفه كيف اشرحلج …اممممممم … يعني يوم تهوسين ع الحبه ما تذوب لانه ما بيظهر حلو وعقب البلاليط بيستوي جنه عيين^ ^
اشخليه ورديه الجدر بسرعه يعني لا تخلين الماي كله ينزل .. وعقب حطي عليه زيت تقريبا فنيان .. وهيل وصنوبر محمر( لونه ذهبي) وشكر كميه الشكر حطي 4 فنايين ونص واذا تبينه شوي زياده زيدي وحطي قرص البيض بس انا اقطعه مربعات صغار واخلطه ويا البلاليط يعني ما احطه فوقه … يظهر احلى … وماي ورد وحركيه عدل وغطيه 5 او 10 دقايق وبالعااافيه … و
بلاليط مال أول بس شو روعة ( بالصور)
http://forum.uaewomen.net/showthread.php?t=27
طريقتي السريعة للبلاليط (ما تاخذ اكثر عن 10 دقايق ).. بالصور ..
http://forum.uaewomen.net/showthread.php?t=273256
حطي بصل ويا البلاليط
روووووووووووووووعة