السلام عليكم خواتي
عندي مشكله ف منطقة الفخذ وتحت الخصر بشوي و المؤخرة
خطوط بيضاء مثل التشققات 
كيف أتخلص منها لان شكلها أحسها بشع 
والي تعرف كيفففف أتخلص منها تساعدني بليززززز
هلا اختي انا بنصحج بشي مجرب وطبيعي انا كنت مثلج بس وحدة من الاخوات وصفتلي هذه الخلطة يزاها الله خير ان شاء الله
وختفت كل التشققات وحتي مكان العملية القيصرية راح بس الخلطة يبيلها صبر استخدميها لمدة اسبوع وتقفي والشهر الثاني اسبوع وتوقفي والشهر الثالث اسبوع في الاسبوع اللي تستخدمين فيه الخلطة لاتستخدمي اي مرطب لجسمج عطي جسمج جفاف بعده استخدمي الوشن او كريم والبلسم والجل شور كل المرطبات اللي تحبينها والسنفرة والدعكة المغربية او تسوين حمام مغربي المهم الخلطة هي عبارة عن سدر وحنا وكركم وروب تخلطينها مع بعض وتخلينها
على جسمج مثل الماسك يعني تدعكين جسمج فيها وتيلسين فيها على الاقل 3 ساعات ختى تجف وتشد الجسم وتسبحي بالسدر بدال الصابون طول الاسبوع
وخلي منها تحت الابط وبين الفخذين على الركبة وعلى الكوع تشيل السواد والقشر الميت صح بتصفري وبتسمري لاكن لاتحاتي ولا تخافي مجرد ماتوقفي عنها
وتخذين حمام مغربي راح تشوفي الوساخة اللي تطلع من جسمج ويوم بعد يوم راح يتفتح جسمج ويبيض والتشققات ختفت او اندمجت مع الجلد وصارت شرات
بشرتج الطبيعية بس هاي الكورسات اللي بتخذينها يبيلها صبر والله اني جربتها وايد نفعتني وراحت التشققات والتوحد لون الجسم يخف السواد وحتى اذا فيج حبوب في الجسم تروح عن تجربة ولاتحسسج اذا ماتبين الروب عادي خلطيها بالماي وانشاء الله تستفيدين
يزاج الله ألف خير أختي
الخلطه سهله ان شاء الله بجربها
ماقصرتي ربي يرزقج كل خير
خلطه حلوه ومكوناتها متوفره
مشكوره اختي