كيس ماء على المبيض وحامل في الشهر الثاني

السلام عليكم بنات اشحالكن عساكن بخير أكيد تتذكرن موضوعي يوم قلت لكم عندي كيس ماء على المبيض المهم امس تعبت ونوموني في المستشفى ورجعت 5 مرات وحسيت خواصري تتقطع من الويع كنت أصيح صياح المهم المستشفى اللي سرت فيه قالولي عملية ولا طاعوا يعطوني شىء اكله لين ما زاد عليه الجفاف واتصلنا حق الدكتورة عفاف قالت الكيس ما يخصه ما يسبب هاالاوجاع البنت يا مالكة شىء من زين يا تتوحم بس أنا اللي مستغربة منه ويع خواصري اللي كان عندها الكيس هل سبب لها أوجاع شديدة ورجعت بسبته طمنوني بليز والا ما حست في شىء وتسلمن يا بنات للعلم أنا حامل في الثاني

ربي يعافيج وان شاء آلِلـه الخوات يفيدونج ..

ماتشوفين شر
حبيت أرفع لج الموضوع

أدكر ربيعتي لما كانت حامل طلع لها والدكتورة نزلته عن طريق أدوية لزم ينزل حبيبتي لان ربيعتنا الثانية اكتشفوا فيها بالشهر ٦ وصار لها ولادة مبكرة

ان شاء الله ما فيج الا العافية لا تحاتين وسيري عيادة خاصة سويلج فحص

خذي راي أكثر من دكتورة ،،،
اللي اعرفه من ربيعتي الكيس يكبر حجمه لأنه يتغذى من هرمونات الحمل ،، وفي أحيان كثيرة ما تحسين فيه ويمر حملج كامل ،،،
وفي أحيان يأثر فالحمل بحيث يسبب آلام فالجهة اللي يكون فيها ،، يعني تحت صوب الرحم ،، إما اليمين أو اليسار وهذي الآلام قد
تؤدي اذا زادت إلى ولادة مبكرة ،، فيفضل انج تكونين حريصة وتهتمين بنفسج ،،، وخذي راي أكثر من طبيب،، وجوفي حجم الكيس هل كبير أو لا،،
للعلم وجود الكيس وحجمه لا يأثر في نمو الجنين ،، بالاستناد إلى أن موقع الكيس بعيد عن المشيمة اللي ينمو فيها الجنين..

انا طلع لي الكيس بس مب حامل وشالوه بالمنظار فجاة زواع ووجع في خاصرتي لا تهملين عمرج لازم تسيرين عياده ثانية الله يسلمج ويقومج بالسلامه

الله يسلمج ويقومج بسلامه