مرحبااا ي الحلوات .. شحالكم
اليوم سويت كنافه بـ جبن عكاوي ان شاءلله تعجبكم
نستعمل سمن حولي 3 ملاعق اكل ونحطهم بالخلاط ونحط صبغة الكنافه
حوالي ملعقتين اكل ( انا جبت الصبغه من المخبز ) ونخلطهم لمدة 4 دقائق
نجهز الخلطه ونحطها على جنب
قطعتين من جبن عكاوي ونقطعهم مربعات ونحطهم في ماء بارد من الصبح
وكل ساعه او ساعه ونص نغيره الماء لحد ما يختفي طعم الملح منه
( عكاوي ملح قليل ماخذتنه من كارفور )
نجيب الكنافه وننتفه جيدا
نجيب صينيه الكنافه وندهنه بالخلطه بكثافه
يتبع
عقب نرص عليه الكنافه كـ التالي
نبشر الجبن هكذا
ونرصه بالجبن على الكنافه هكذا
ونحطه مثل ماهو على عين الغاز ونخفف النار على الاخر مع الاستمرار
بالتحريك بحركه دائريه لحد 7 دقائق او لحد ما نشوف ان السمن ذاب
ملاحظه: ع نار هاديه جدا مع التحريك المستمر
اعذروني ماقدرت اصور هالمرحله
هنا اقدمه لكم عقب ما شلته من ع النار وقلبته ع الوجه
وهنا عقب ما قدمناه وزيناه بالمكسرات
ان شاءلله تجربونها وتعجبكم
يعطيييييييج الف عافيه
ان شا الله بسويها
بس المشكله وين انحصل الصبغه للكنافه
غير المخبز؟؟؟؟؟؟؟؟
المشاركة الأصلية كتبت بواسطة *فرااااشة* 
ان شا الله بسويها
بس المشكله وين انحصل الصبغه للكنافه
غير المخبز؟؟؟؟؟؟؟؟
والله يالغلا مادري بس بالاول كنت اسويه بصبغه الاكل اللون البرتقالي
بس يوم قلت للعامل الي فالمخبز عطاني شويه بـ 10 دراهم ههههه
روووووووووووووعة ..
ماشالله عليج ..
يعطيج ألف عاااااااااافية وتسلمين ^^
بس حبيبتي نسيتي تذكرين الشيرة ..
شو مقدارها ؟؟؟
تحصلينها في الجمعيات في قوطي مربع معدن