هلا بنات انا محتايه مساعدتكم ..
عندي ملجه اختي ومحتارين نبا كوشه سمبل ف وين تنصحونها تسير , ,
صراحه نحن سرنا لمسات وانا عيبني بس السعر كان شوي مبالغ فيه بالنسبه لملجه !
وشوو بالنسبه للتصوير واي وحده تذكر اي استديو اتقول لنا بكم سوت البومها 
وشووو احلى دي جي ممكن انيبه وسعره يكون اوكي ؟ ؟
وبالنسبه لزفه نحن فبالنا شي معين ممكن ناخدها من العندليب بس مجرد يسحب الاسم منها بس بياخذ تقريبا الف فماعرف لو حد يدل مكان ثاني يرتب لنا الموضوع ,
وعندي استفسار ثاني بالنسبه لمحل مجوهرات المندوس و محل الحرمين .. ؟
ابا اعرف ليش سعر لسوع عندهم ارخص !! يعني كونكورد عندهم ب7 مثلا وتكون بالماس بس من باريس غاليري مثلا فوق ال14 الف .. ممكن حد يفهمني هالشي لانه انا مب مستوعبه ليش هالفرق فالسعر وبصراحه شاكه انه شي يكون مب اصلي وجي ,,, . .
ومشكورين وماقصرتو :*
نسيت اقول نحن من بوظبي اتمنى تذكرون لي محلات ف بوظبي لان صعبه انروح للامارات الشماليه
فوق
بليز بنات الي تدخل الموضوع اتمنى اترد لو عندها خبره فهالمواضيع
Up
Up
للرفعععععععععععععععععع
انا خذت كوشتي و دي جي والتصوير من الليلة الكبيرة وكل واحد منهم كان بألف بعني المجموع ب 3 الاف درهم بس بصراحة انا اكتشفت عقب انهم اعطونا السعر هذا لانه في صداقة بين ابوي والرجال انتي حاولي تسيرين وشوفي يمكن تلاقين اشياء حلوة
من ناحية الكوشه كانت كثير حلوة وفخمة
ومن ناحية الالبوم حلو والتصوير حلو ايضا
ومن ناحية الدي جي الكل مدح فيه
الله يوفقكم وييسر لكم ياااااااااااارب
بالتوفييييييق