كابوس الكوشة .

حبيت احذركم من نصب محلات الكوش الي منتشر هالكمن يوم … "الله لا سامحهم"…
ياخذون منج المبلغ كامل والا ثلاث أرباعه قبل العرس … ويوم العرس تنقع الخيانة وتستلمين كوشة ما يخصها في الي اخترتيها …

عرس بنت خالتي كان بداية الاسبوع … مسكينه والله … امسوية كوشة في محل ما ابا اذكر اسمه …ودفعت لة ثلاث أرباع المبلغ …
ولما يا يوم العرس ام المعرس واخت العروس يالسين يتأكدون من التجهيزات الاخيرة … وانصدمو لما دخلو القاعه وشافو الكووشة … اتخيلو سلمهم الكوشة فاضية بدون اي اكسسوارات ولا شي … اللهم كرسي ابيض سادة ومرايتين وحدة يمين ووحدة يسار على اليدار … والممشا خشب والمسامير طالعه والمفروض يكون مرايا …
وكان شي ريال من صوب راعي الكوش موجود ولما قالو لة وين باقي الكوشة خلاص ما بقا وقت .. قال الهم انزين الحين بييب باقي الاغراض وبرجع … اتخيلو … طلع ولا رجع … و تمو يتصلون على موبايلة وعلى المحل ماشي فايدة ما يرد عليهم … وعقب غلق تلفونه …
وياحليلهم … اتصلو حق محل الورد الي بييب لهم مسكة العروس وقالو لة هات كل الاغراض الي عندك في المحل … ومسكين ياب كل الورد الي عندة والاكسسوارت … وتموا يرقعون في الكوشة … لدرجه انهم استخدمو كفرات الطاولات المشيرة وعلقوها على الكوشة …
ومسكينة العروس دخلت بدون اضاءة ولا دخان … ولا شي …. كل الي كانت حاجزتنه وحاطتنه في بالها لدخلة القاعه ما صار …

والحمدلله ان كان في عقد بينهم ذاكرين كل شي فيه … وصورو الكوشة قبل وبعد التعديل … وقدمو بلاغ في الشرطة …

وصارت لأختي من كمن شهر في عرسها … كانت الكوشة مب نفس الي طلبته بالضبط … والي شاف الصور الي في المحل … والكوشة الي استلمتها … والله ما يخصهم في بعض … الي طالبتنها كانت كلها دواير زجاج مكسر … والي استلمتها مربعات لا وامكسرة من كل صوب … ويبين عليها انها مستهلكة … وهي كانت طالبة اضاءة ودخان وطبعا ماشي … لانهم استلمو كل افلوسهم … والله لا يراويكم السنتر بيس ما يخصة ابدا …

ونصيحة مني … لا اتسلمونهم الفلوس ابدا … وخذو صورة من الكوشة الي انتو مختارينها … وخلي حد عندة صورة الكوشة يشرف على العمال من الصبح … وخليهم يجربون الاضاءة والاشياء الي طالبتنها … علشان ايعرفون انج ما بتسكتين عنهم …