بنات انا خاطرى اعرف نحن شو اخرتها مع الايلتس والله تعبت الصراحه
بخبركم ليش
خواتى بجامعة الامارات ومحتايات الدرجه والا بينطردن ولازم اييبن فوق بوينت5
وحده منهم تخيلوا امتحنته 7 مرات بالجامعه والبرتش كانسل وكلله ايحطون لها 4,5
معقووووووووله كل هالمرات لا تنزل درجتها ولا ترتفع
ولا واختى الثانى نفسها وخلاص ماعندها اي فرصه وبتنطرد من الجامعه وامتحنت الايلتس 5 مرات وكله اتييب 4,5
وانا بسجل بخاصه وامتحنت 3مرات وايب 4,5
شسالفتهم!!!
مو معقوله انه كل مرة نمتحن انييب نفس الدرجات ونفس التوزيع للدرجات لا نزيد ولا ينقص الصراحه التاعت جبدى وماعرف شسوى
الله المستعان اختي..كلنا نعاني من نفس الشئ
والله الحال من بعضه !!
انا وربايعي 10 بنات كل مانمتحن فالبرتش كانسل نييب 4,5!!
وخالي يمتحن فبريطانيا ويب 6 ويقول انا هناك السبيكنج صعب وايد وااايد وايب فيه 6
والرايتنج بعد صعب وايب 6
وكذا مره امتحن فالبرتش كانسل هنيه واييب 4,5 !!
تخيلي !!
البرتش كاونسل يقولون اوكي اللي بوظبي
انا مرتين امتحنت ف برتش كانسل ويبت 4 بس مب نفس التوزيع..
والله ما اشوف انه بيفيدنا بشي..هو اهم شي ان الواحد يروم يمشي عمره فالانجلش يعني ماله داعي هالامتحاان..
امتحان = رسوم تسجيل
10 X رسوم التسجيل =00000000000000000
ما علييج اختي … هونييها بتهووون
انا سويت الايلس 3 مرات سعر الامتحاان 800
التوفل الكتاابي 5 مرات << سعر الامتحان 450
التوفل الانترنت 4 مرات <<< سعر الامتحان 800
يعني شووفي كم خسرت !!!! بس فالنهاايه نجحت .. كملت سنتيين وعقب نحجت … بس الحينه لازم اسير كورس صيفي و طالبين عليه اكثر بواااايد
انتو 5 .. هونوووها …. انا الحين مطلووب عليه 7 حق الكوورس الصيفي !!! شوو اقوول عيل