السلام عليكم والرحمه
شحالكم حبيباتي
عندي مشكله وبغيت مساعدتكم بليز ساعدوني فيها
شريت بدي من الدانتيل لونه بطيخي فاتح وعطيت شغالتنا عشان تغسله والذكيه غسلته وي البديات الغامقه وصار لونه مكس وي الكحلي ومو عارفه كيف ارجعه نفس لونه الاول
بليز ساعدوني يزاكم الله خير
حرام القميص وايد حابته مضايقه ليش صار لونه جي وبعده يديد وشاريته للعيد وياليت لو في غيره جان سرت وشريته مافي نفسه
يا ربي! الله يهديها .. ما أقدر أفتي .. إن شاء الله الخوات يساعدونج .. ولا تتضايقين حبيبتي إن شاء الله بتلقين حل ..
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب 
المشاركة الأصلية كتبت بواسطة رائدة أعمال 
امين يارب
تسلمين حبيبتي على المرور الحلوووووووووووو
ان شاء الله القى حل يريحني
المشاركة الأصلية كتبت بواسطة eLNoon الله يوفقج يارب
الجميع يارب
تسلمين حبيبتي على المرور الحلوووو
منوره الموضوع
يزاج الله خيرا
اخلطي ملعقه ونص من فانيش الوردي ويا الصابون بالغساله وغسليه انشالله بيرجع لونه الاصلي
انصحج تودينه المصبغه .. يمكن يرد مثل اول والله اعلم !!
مثل ما قالت [مس شوكوليت]
سمعت عن فانيش يمدحونه واااايد لكن ما جربت