لا تحسبين العرس توفي وكتكات
ولا تحسبينه توكس ولا بونتي
ولا تحسبين العرس كيكه وطرطات
وصله قطعتيها ووصله بلعتي
ولا تحسبين العرس تصفيق واصوات
و انت على صوت الغطاريف همتي
ولا تحسبين العرس كوشه ولمبات
و انت كما الطاووس فيها جلستي
و لا تحسبين العرس احلام في الشات
ياما بنيتيها وياما هدمتي
ولا تحسبين العرس روحه وجيات
هيا اقضبي بيتك عسى ما انهبلتي
ليلة سعيده وانت احلى الجميلات
تشخص عيون الناس اذا حضرتي
(والاينلر) حطيه بلا زيادات
لا يخرب المكياج اذا دمعتي
(والمسكرة) تحتاج لطف ومدارات
حتى يبان الزين اذا غمضتي
(والاسبريه) رشيه حتى البصيلات
يمسك شعرك زين ولو كان زدتي
وترى (المحدد) فن يحتاج رسمات
يبان رسمه زين اذا ابتسمتي
العرس يابنية ماهو شعارات
تفنى مراسيمه وتبقين انتي
ويبقى شريك العمر راعي الطويلات
هذا هو العرس الحقيقي عرفتي؟
اول نصيحة لك حفظ الصلوات
صلي العشا والفجر في كل وقتي
وفي ليلة العرس الموفق وبالذات
ادعي الكريم الله اذا سجدتي
والتعري لا ترضين عند عند الكوفيرات
ولبسك يملي العين اذا لبستي
واللي على زوجك تحرضك مرات
ارجوك شوتيها شوتت بلنتي
والصبر في العشرة حتى على فتات
ياما حلا فعلتك يومك صبرتي
واذا حفظت السر مع المدارات
زوجك ترى في عيونه انتي كبرتي
و السوق يعني هاه وقت الضرورات
و الا ترى زوجك يدور لمفتي
زيدي الغطاية وكثري في العبايات
والله يرضى عنك اذا سترتي
اوصيك بالكبسة وكثر اليدامات
حتى لو انك من سببها متنتي
وخلي الرجيم اللي فشلت فيه مرات
سويه مرة واحدة لا ولدتي
اوراق شاعره ترسل ازكى التحيات
خصيه بالدعوة اذا دعوتي
منقول للامانه
مشكوره يا الغاليه على الشعر المنقول
بس الحمد الله أنج نشرتي الشعر قبل مايفوت الفوت ما ينفع الصوت
و مشكوره مره ثانيه
لا لا بصراحه الشعر خطيييير ههههههههههههه
مشكوووووووووووووره الغاليه
هههههههههههههه والله انه خطيير وصدقت فكل كلمه قالتهاا
والايدامات يعني الصالونة
وسلمتي الغالية
خخخخخخخخخخخخخخخخخ
صح السان من قاال الشعر
يسلــــــــــــموا على النقل
مشكوره الغاليه
مشكورة الغلا