قصه لبنات الكليه فقط

عقبها الاستاذ في الكلاس قبل يسال كل وحده متى تبي تروح
مع انه الاداره قايلتله 2:30

والسبب انه البنات الكبار ومعرسات يقولون استاذ طلعنا الساعه 2:00
شوفو الموضوع بسيط بس مجموعه بنات ومن بينهم هالبنت اللي من بني ياس
كبرو السالفه
فتم الاستاذ يسال كل وحده
اللي تقول الساعه ثنتين واللي تقول استاذ اي شي واللي تقول مع الاغلبيه
لين ما وصل عندي قلت استاذ 2:30
انا مع القانون والاداره نبهت ما سويت شي غلط
جان البنت من بني ياس قامت تتفلسف
وفي البريك يمعت كم من بنت وشلتها وتسب وقلبت بنات الصف ضدي
ما بقول شو كانت تسب بس انه بنت تقول انه نحن من قوم فلان ونحن البداوه والاصاله
وتتفاخر بالاصور ونحنا ونحنا
وين الاصاله والبداوه مالتها ؟
وعقب الصف كله عارف شو قالت بس ساكتين
مع الايام لاحظت ما يرمسون وياي ولا يتعاملون وياي اللهم اربع بنات تقريبا على هالحدود
البنات الثانيات اذا بيرمسون حق مجامله
والبنت اللي من بني ياس ليش سوت جي
لانه برمضان الاستاذ نفس الشي كان يسال
كل وحده متى تبي تروح
وفوق هذا السبب نفس الشي البنات يقولون للاستاذ نبي نروح تعبانين وصايمين
وتخيلو الكلاس الواحد مدته ساعه ونص تقريبا وفي اغلب الكلاس يعلقون تعليقات برع الدرس ويضحكون
فالاستاذ كل شي يوقف وما يصدق حد طلع برع الدرس يتم ياخذ ويعطي وياهم
وانا افكاري المتعلقه بالدرس تضيع فما افهم
فرحت الاداره اشتكيت وقلت خبرو الاستاذ انه يروحنا بوقت معين ما يحتاج يسال البنات بشكل يومي
وخبرت اللي اشتكيت عندها انها ما تخبر حد باسمي
بس الظاهر خبرت الاستاذ
لانه يوم حدر الصف بعد البريك (انا اشتكيت وقت البريك)
قال للبنات بنظهر بوقت معين من اليوم وطالعني
قلت اكيييد الاداريه اللي اشتكيت عندها خبرته

وبعد هذا الحدث اصلن البنات شاكين بوحده بس ما عرفو كيف اني انا اللي اشتكيت
وبعد سالفه رمضان وعقب آخر سالفه الاستاذ كان يسال وقلتله الساعه 2:30
كرهت البنات وكرهت الصف وكنت اداوم غصب وكله بسبت البنت اللي من بني ياس
وتمادت اكثر تتكلم عني جدام بنات الصف والاستاذ عن طريق التلميحات ( يعني تطري الموقف بدون ما تطري اسمي )
ومن وقت اللي استوت السالفه الى ما خلص الكورس ما واجهتني ولا رمست جدام ويهي
لانها انسانه جبانه وانسانه عار على البداوه اذا كانت تتفاخر على بداوتها المزيفه

وبنهايه الكورس اكتشفت اشاعه جديده اني فتانه
وحده من الربع سبحان الله نطقت وقالتلي
ضحكت وقلت انا فتانه !!
ما سالت منو اللي قال ولا شي لاني ما بهتم ولا احب اسوي هواشه كبيره
يوم خلصنا الكورس
بعض البنات قالو عن هاذيج البنت اللي من بني ياس انها انسانه متعصبه لفكرتها وما تتقبل افكار الآخرين وتحب تسيطر
عشان جي موقفي كان على طول سرت اشتكي للاداره ، لانها انسانه مسويه عمرها زعيمه الصف وتتقبل الافكار
او الاقتراحات او شكاوي بنات معينات خصوصا اللي قدها او المتزوجات والثانيات مب وايد
ومرات اللي ما يدخل مزاجها ما بتقول حق الاستاذ
وعقب ما خلصنا
كل وحده راحت بصوب وانقطعت الاخبار
كنت ارمس ويا بنتين من بوظبي بس آخر شي غيرت رقم تلفوني
ما له داعي اتواصل مع حد من هذاج الصف
وعقب شهرين وشي حصلت وظيفه
والحمد الله الحين اداوم
\
//
\
والسبب اني كتبت السالفه للاخوات يستفيدون من تجربتي
وهدفي يوم اروح الكورس اتعلم
ولي حق اني اشتكي على شي يعرقل تعليمي ومب يايه اسوي مشاكل وافرض نفسي على غيري
وشي الثاني اني آخذ حذري من كل شخص مهما كان شكله ، لانه في ناس يسيئون الى اللبس اللي يلبسونه شرات المتنقبه