قصتي و الاستغفار

الصراحة انا حبيت اعرض عليكم قصتي اللي نذرت اني اول ما يتحقق اللي اباه اعرضها عليكم عشان أفيد الجميع……
بحاول أقولكم قصتي باختصار قد ما اقدر و اتمنى كلكم تسوون اللي انا سويته لو تبين كل أحلامج تتحقق
يلا نبدا:
أول شي أنا وحدة معرسه صارلي سنة و نص تقريبا …….كانت علاقتي ويا ريلي زينه و حياتنا حلوة و في نفس الوقت ما كانت تخلو من المشاكل ……..يعني حالنا حال جميع المتزوجين………
المهم مرة تزاعلت انا و ريلي و صارت مشاكل وااااااااااااااااااااااااايد كبيرة …..تطلقنا و انا ما كنت أبغي الطلاق لأنه السبب تاااااااااافه و مول ما يستاهل الطلاق و أنا صدق انظلمت في اتخاذه هذا القرار و مول ما كنت راضية …………المهم ف البدايه الكل حاول يصلح بينا لكنه كان مصر ع الطلاق و مب راضي يتراجع عنه ….بعدين الناس جافوا انه مول ما منه أمل و انه هو ما يستاهلني و من ها الكلام …….و تميت شهرين و ما يسال عني و يسوي أشياء وايد عشان يقهرني و يقهر اهلي يعني مول ما حسيت انه منه أمل مع انه هو كان وايد زين بس ما أدري شو استواله…….المهم انا قريت ف النت عن
"""فضل الاستغفاااااااااااااااااااااااااااااار""
فتميت طول الوقت استغفر ربي و كنت على طول أصلي صلاة الحاجة و أدعي ربي انه يهديه و يرده لي ……و كنت أقوم قبل صلاة الفجر بساعة أصلي كم ركعة قيام الليل و الباجي كنت اتم كله استغفر لين الأذان و أصلي الفجر و أكمل استغفار لين ما اتعب و اروح انام …….و كنت وايد ادعي بعد صلاة الفجر و جيه ….
……………….و في الأخير أحمد الله و أشكره على هذي النعمة وأسال الله انه يتمم عليه و على جميع المسلمين بخير تحقق اللي انا كنت اباه و رجع زوجي بروحه من غير محد يقوله و قال أنا أبغي أرجعج و مستعد أنفذ كل اللي تبينه انتي و اهلج و الحمدلله رب العالمين………………
فيا اختي أنصحج وانتي رايحه السوق . وانتي رايحه الدوام . وانتيي قاعدة تتنتطرين دورج في المستشفى . في اي مكان تلاقين نفسج فيه فاضية وقاعدة تتعبثين بالتلفون . ما بتخسرين شي . استغفري ربج . وجوفي الراحة و التوفيق اللي بتحسينهم. وفيه قصص كثيرة حديثة وقديمة عن ناس الله رزقهم اولاد وذرية بعد ما فقدو الامل بفضل الاستغفار .

صدقتي الاستغفار له فضل كبير وعن تجربه ..