قصتى مع طليقى

شحالكم بنات

اليوم حبيت اخبركم عن قصت زواجى الفاشل

انا تزوجت رجل فى 50 مطلق وعنده 7 عيال كبارومتزوج وحده هاجرها وعندها طفل منه يعنى 8 اطفال عنده

المهم تزوجت وسكنت مع عياله سنه اه هم وغم ومشاكل لابعد الحدود عياله كبار وبناته بعد فى 23سنه كل وحده السانه

طولها شهر العسل مدرى البصل سفره يتيمه مع العيال طبعاماتهنيت فيه وستوت مشاكل البنات والعيال عصبيين واخلاقهم تعبانه

مايحترمون الكبير وفيهم غيره وحقد موب طبيعى تخيلو ولده ينادينى بابشع اللقاب ويوم بطلع مع السواق يتظربون مايبونى اطلع مع سواقهم

ولايطلعونى من سياره يقولون سيارتنا لاين ابوهم مفهمهم ان كل واحد له سياره هو بخير بس مرات احسه زطى وبخيل

المهم بناته يسوقون وكل وحده سياره ويسجلون فى النادى وويركبون خيل ولمايسافرون يقطون العبايه عادى زوجى انا مانعنى اخد اليسن ممنوع النادى ومايبي احتك فى اى احد

يقول ما ابي احد يخربهابناته عادى بس معى يبينى اجلس فى البيت ما اطلع تخيلو ساكنه فى غرفه عشت فى هم وغم

حملت وحاولت اطلع من البيت وهو عنده بيت ثانى طلع منه المستاجر من كم سنه وما اجره هو قال لى يوم بتولدين اطلعى فى البيت بس ترى

ما اقدر اجى انام عندج قلنا ماعليه بس تجينى لو يوم ويوم موب لازم ترقد فى اليل معان المسافه بينى وبين بيت عياله ساعه عياله ساكنين فى بيت جنب جدهم وعمومتهم فى الفريج كل حد فى بيت ومحوطينه سور يعنى ماله عدرانه مايجي يرقد عندى والمشكله انه يسافر سبوعين ويركهم لحالهم بس يدور عدرمايرقد عندنا

وهو هاجر حرمته وعندها ولد منه يعنى متعود على كدا وفيه ضغط وسكرى يعنى ماله فى الحرمه المهم فكرت فى مصلحتى وضم ولدى

فى حضنى واعيش ولدت فى المستشفى الحمدالله وبعد النفاس مااثاث البيت ولعوزنى وطلعت للبيت با مشاكل لاينه رفض ياثث البيت وسكنته بدون اثاث وشوى شوى اثثه لى وكان يجي بين فتره وفتره ساعتين ويمشى بس رجال بارد كل شهرين مره وساكته يسافر مع بناته وساكته وانا والله ماسفرنى غير شهر العسل بس …المهم حاولت بسياسه ورفض اخد اليسن قلنا نبي سياره وسواق قال طيب وراح ويمر شهر مانشوفه مايسال مايتصل عادى اطلع مع تاكسى لاينى بدغع من مصروفى بس مايبي يجيب سياره وسواق عشان مايدفع السالفه موب غيره لا رجال بخيل

ولا وفر لنا شى عنده سواق يودى عياله للمدارس وجاب الثانى على اساس انه لى بس خرطى طلع لعياله لاين سواق واحد مايكفى والعيال مدارسهم كل واحد فى مكان
قلت ليش كدا نبي سواق للبيت قال لا السواق بيجيك فى الاسبوع مره قهرنى المشكله يجي لللبيت كل شهر مره ساعه ويمشى اتصل عليه مايرد على مايسال عنى مايهتم بس تفكيره ينزل مصروفى كل شهر فى البنك وناكل ونشرب والبيت ماثث خلاص ارجال موب مقصرحاولت معه افهمه انى ابي زوج يسال عنى يهتم فينى اطلع معه احس بوجودى ابد ماكانى اتكلم رجال لاهى فى حياته وسفروعلاقاته وبس
المهم ارجال يغيب عنى واكتشف انه مسافر مره الهند مره لبنان كل مره اكتشف سفره انصدم منه ليش وانامالى حق اسافر طلبت منه قيمه اسفر واسافر مع اهلى قال موب مجبور فى سفرج تخيلوهم غم نفسيه زفت ما اطلع الاكل سبوع مره للمول وارجع مااحتك با احد ولو انعزم ماقدر اروح لاين محددين بس يوم فى الاسبوع يجينى عشان المدارس بعد سنه من ها الحال طلبت حقوقى او اروح للمحكمه وبعدموعد المحكمه رحت واكتشفت من موظف المختص لزوجى هو الى كان موجود فى المحكمه مثل المندوب يعنى اى شى يرسله زوجى يباشر اموره هو قال ان ارجال ماحضر مسافر للمانيا مع عياله وطليقته اهى ماتبي ترجع له بس مبسوطه سفر واخرتها ترجع لا اهلها تتسلى
وهو يبي يرجعها عشان عيالها بس هى عيفته من كثر مايتزوج وخياناته لهاالمهم اجلنا الموعد شهر لاين يرجع
ويوم الموعد رحت وحضر هو وقال الموجه اهى طلبت حقوقه بس انا اشوف اطلاق افضل لكم الموجه رحم حالى هجر6شهورورجال راعى سفر
قال زوجى عادى بطلق بس تطلع من البيتوبسكنها فى مكان ثانى يقصد شقه ملك له فى شارجه يبي اترك البيت عشان ياجره ويستفيد منه راعى ماده الله يكفينى شره
المهم حاولت انى ماتطلق والف ودور فى المحكمه وهو قال للموجه ابي اعطيه فرصه تفكرزين
وقال الموجه خلاص بس رح للبيت وتفهم مع زوجتك قال ان شاء الله
طبعاعطانى طاف سبوع وبعدها جلست اتصل عليه مايرد ارسله مايردخبرت امه قلت ابي حقوقى هدى موب حياه المهم بعد طلوع اروح جانى للبيت وتكلمت قلت ابى ابسط حقوقنا السياره وسواق ومصروف للولد وانت تجى وتهتم فينى طبعا قال طيب وراح وطاف
بعدكم يوم اتصلت وازعجته تلفون لاين جانى للبيت وقال انه بيشترى لى سياره طبعا با سمه وقلت ابى اروح معك اختاره قال لاتدلعين بعد احمدى ربك طنشت وسكت اخلاقه زفت ومايتكلم معى ولايهتم فينى وفى مشاعرى واى شى يسويه كانه مسوى شى كبير مانعنى من الحياه كانى بسجن جلس ساعه ونص وطلع بعدها بكم سبوع تعبت من الوحده ابى اروح اخدعمره مع اختى وقلت ابي اروح ارسل له مايرد اتصل مايرد واخرتها اشوفه فى الوتس يسهرللفجرومايعبرنى قلت له انا اعيش فى وحده وكتمه وسجن ماطلع الا كل سبوع مره ولدى مايتكلم لاينه مايحتك مع احد ابى اخد عمره احجز لنا عطانى طاف حتى رسايلى مايرد على اتصل مايرد يقهرنى ارسلت اختى تكلمه قال لها انا ماقصرت فيهاساكنه فى بيت شو تبي بعد قالت له انت هاجره 7 شهور ماتجيهم ماتسال عنهم نص ساعه وتمشى زياره ضيف ماوفرت طلباتهم كيف حرمه وطفل فى البيت بدون سياره وسواق وانت تسكن بعيد عنهم ساعه لو صار شى وتصلت عليك انت ماترد ماتبيها طلقها قال لا ابيه بس انا موب مقصر معهااختى تقول لى زوجك يلف ويدور مايهتم فى الحرمه مافيه مشاعر يعنى وكدا
بعدفتره طويله جانى للبيت وجلست ادلعه وكدا بس هو مره مافيه شى المهم قلت ابي اسافر معك حرام ماعمرى سافرت معك الامره وماتعتبرسفره قال لى طيب لاتستعجلين
وانصدمت بعد كم يوم انه يبي يروح لبنان مع ابوه شوفو القهريوم يبي يسافر بيسافرويوم اطلبه يقول لاتستعجلين عايش حياته انانى
المهم صارت بينى وبينه مشاكل وطلقنى غيابي قدام امه وخوانه 3 طلقات غيابي وجلستى يوم الثلاثاءحتى اثبت حقوقى وحقوق ولدى
بصراحه حياتى معه مامنها فايده

انتم شورايكم هدارجال صاحى على فكره تزوج وحده ارمله كبره قبل مايتزوج ام ولد الثانيه وطلبت الطلاق ماقدرت تتحمله وام عياله طلبت الطلاق انا وام ولده بس الى على دمته اهى بعد من عمره وتزوجته على كبر وجبت ولد وساكنه فى بيت وتسوق وعنده سياره و3 بشكارات ويصرف علله وهاجره واهى مرتاحه
بس انا ماقدرت اعيش معه ماوفر طلباتى وقهرنى تخيلو يوم اطلع اخد ولدى والبشكاره اركب تاكسى وتمرمط وتخيل زوجى سياراتهم مرسيدس وعز وانا يعملنى كدااا الله لايوفقه على فكره زوجى راعى حريم وله سوابق واول يوم اطلع معه اشوفه يمدح الى يبيعون فى المحلات ويسالهم عن اسميهم ودولهمويسولف معهم قدامى وقح ومره يقول لاراعيت المحل انتى حلوه