السلام عليكم
بنات اخبااركم ان شاء الله بخير
انا عندي مشكله مأرقتني الصراحه
انا قدمت اوراقي للتوظيف في كل مكان تقريبا محد رد علي إلا الشرطه
انا مقدمه على وظيفة مدني بس ماشي شواغر فحولوني عسكري
انا محتاجه الوظيفه يعني انا ادرس فجامعه خاصه على الاقل الراتب بيساعدني اشل مصاريفي بدل ما اورط ريلي بكل شي
ريلي احسه واايد متردد ويوم طلبت نصيحه يقولي انا رافض بس اخاف اوقف فطريج مستقبلج
صليت استخاره وابد ما حسيت بشي
اليوم خلصت الفحوصات ومأيدين بقوه اني اكون عسكريه عشان الحمد لله عندي شهايد ولغتي الانجليزيه اوك
بس انا متردده ابا نصيحتكم واذا في حد ييشتغل هناك يعطيني فكره
بليييز بنات انصحوني والله مب عارفه كيف اتصرف
بليييز
الله يوفقكم
الله يوفقج يا الغاليه ويفتح لج ابواب الرزق وين ما تسيرين
الصراحه ما عندي فكره ’’’ بس اخوي يشتغل بالشرطه وما يحب هاي الفئه من البنات مادري ليش لاني قبل كنت بقدم عا الشرطه وما خلاني 
الله يوفقج الغلا واتمنى البنات يساعدونج
تسلمين اختي
الصراحه الشرطه ماتنفع للبنات او الحريم ابد كلها شغل ورياييل وحوادث وشكاوي وخاصه العسكريين انا ريلي فالشرطه وهامني يكرفوا كراف ومرات يواصل 24 ساعه لين يرجع البيت ويرقد وبما انج عسكري طالبينج يعني عادي تداومي بليل وهالشي يباثر ع ريلج وعيالج وحياتج وما بتقدري تعدلي بينهم فافضل شي تدوري شغل غير احسن لج ونحن الحريم ما يناسبنا كل الشغل ما الرياييل خاصه المتزوجات عسب الحمل و الولاده و العيال و البيت و الريل وهذا راي وانتي حرة
رياييلنا كلهم حاطيين اكس على الي تشتغل في الجيش او الشرطه ( عسكرية)
شكلهم وايد يسمعون تعليقات المدربين او الي يشتغلون وياهم ..
يعني انا اتصلوا بي خوله بنت الازور لا ابوي ولا ريلي طاع ..
مايبوني البس دريس ابد..
قالي ريلي يازينج لابسه دريس ويدربكم ريال وييلس يتطالعكم وانتوا مترصصين بالدريس ..
( من كلامه انه كل الشباب يتطالعونهم وتعليقاتهم وصخه عليهم)
انتي ردي استخيري وعسى ربي يوفقج في شي احسن من جي
انا اشوف مافيها شي
اذا انتي محترمة عمرج داومي
بس حاولي تقدمين في اماكن ثانية واكيد بتحصلين ان شاء الله
للرفع