خواتي لو ممكن تساعدوني في البحث عن قاعة صغيرة بدبي لعمل عزيمة بسيطة بمناسبة نجاح بنتي يعني لـ 30 شخص تقريبا
يعني ووين ممكن تنصحوني أحجز وشو ممكن من الأفكار تعطوني لهذي المناسبه ؟
مادري إذا الموضوع مكانه هنيه وله مكان ثاني لأني احترت وين أحطه وخاصة أني أدور قاعة وبسعر مناسب ؟
وشكرا لكم
انا من بوظبي وبالنسبة لدبي ما عندي فكره
ان شاء الله يفيدونج البنات
بالنسبة للأفكار ممكن تحطين شاشة عرض وتعرضين وتسوين موفي ميكر لبنتج يتعلق فيها وبنجاحها وحطي صور في الموفي لبعض الاشياء اللي تحبها مثل لونها المفضل واكلتها المفضله وشهادات التقدير اللي حصلت عليها وصورها اذا مصورة بلبس التخرج او اي فكره وينعرض قبل البوفيه
ومبروك نجاح بنتج
ومبروك لج طبعا لانه نجاحها هو اللي انتي زرعتيه
واكيد اللي زرعتيه بتحصدينه
اتوقع فيه قاعه في اوتلت مول للاحتفال..
وفيه فالاتحاد مووول ..
مبروك و تستاهل و عندج قاعة شيراتون ديره أو في جمعية النهضه قاعة الإمارات و عندج بعد قاعة الخور في مطعم البوم و عندج مطعم قيصر و مطعم الإبراهيمي عندهم قاعه تنفع لسوالف هاذي
نظام قاعات الفنادق تتصغر وتتكبر بستاندات
دام انهم 30 شخص يفضل يكون في خيمه
بالتوفيق