مرحبا خواتي
حبيت أسأل اذا وحدة تعرضت للي يصير لي الحين
انا في السادس اللوعة و الترجيع للحين مستمر
ما أنام بالليل
الحكة في رقبتي و كتفي ذابحتني ومستغربة من السالفة
اختى انا كنت جى بس الترجيع ما كان مستمر يعنى على فترات ومن جهة الحكه فاكثر بكثير لين كنت اقطع ايدى وريلى وبطنى وايد لين يطلع الدم وسرت المستشفى وعطونى دهانات حق هالشى وقالوا هذا من هرمونات الحمل يوم ترتفع مع تقدم الحمل يستوى جى بس عند ناس وناس الله يعينج ويسهل عليج الغاليه
الغالية…لو عاللوعة و الترجيع…أنا تمت وياي لين التاسع…و الحكة…كنت أصيح منها…و خصوصا إني أداوم و ما أقدر أسوي شئ…بس شو نسوي…الله يحفظ بيبيهاتنا…ربي يتمم عليج و يالله هانت إنشاء الله…3 شهور و بترتاحين…لا تنسينا من دعواتج
الغالية الترجيع عادي لكن الحكة سيري الدكتورة اكيد فيج حساسية
الله يعينج
والله بالنسبه للحكه حتى انا بعد هب رايمه حتى ارقد منها دشيت السادس احينه من اسبوع 
انا بعد فالسادس والبجر حامل.. بس اللوعه الحمدلله خفت فالخامس واختفت تماما أما الحكه اختفت بعد معاناه عطوني كريم من المستشفى ..الله يسهل علينا يا رب ..