فنادق لنجكاوي-ماليزيا

صباح الخير حبيباتي!
ابي اسالكن و اللي يعافيكن عن الفنادق اللي في لنجكاوي! ان شاء الله هالصيف بنسير مجموعه كبيرة شوي (سبع بالغين و طفلين)! عاد ابي الفنادق تكون نظيفه و مرتبه! و ما ابيها تكون يم الغابات عن الحشرات، و السبلان اللي عقدوني.
و بعد ابي اسال اللي سارن لنجكاوي ويا عيالهم، وين وديتوهم؟ و كيف عن المستشفيات اذا احتجناها لا سمح الله، و الحشرات بعد، كيف ابعدها عن اليهال؟؟ و جزاكن الله الف خير

اسميني زعلت و الله! ما هقيتها منكن! اتوقعت اني احصل ع الاقل رد واحد منكن!
من الصبح محطيه الموضوع، و الحين باخر الليل داشه متوقعه ان تقريبا الكل رد! ولكن للأسف ما حصلت ولا رد!
مشكورات و جزاكن الله كل خير

السموحة ماسرت لنكاوي إنشاء الله البنات بيفيدونج

اختي انا رحت لنكاوي …. بس ما احس انها تنفع حق اليهال … هي منطقة هادية .وفي ماليزيا يخلونها حق شهر العسل ….. وما فيها ملاهي للصغار …. فيها شلالات داخل الغابات … وشواطئ….

وديهم جنتنج ……

حبوبه رحله موفقه بأذن الله
ولا تزعلين حبوبه >>ان شاء الله البنات مارح يقصرون
انا والله ماسرت لها

اختي بالنسبة للنكاوي فمثل ما قالت الاخت جزيرة هادية جدا و اهلها ناس على قدهم .. و يمكن الصغار يملون فيها لأن مافيها انشطة … خصوصا بعد التسونامي لأنها واااايد تأثرت …. انا سرتها في شهر
العسل بس مليت منها مع اني ما طولت بس يومين …

و بالنسبة للمستشفيات فالسموحة منج ماعرف لأن ما قعدت غير يومين و ماعرف وايد فيها ..

و انشاء الله يكون عنه اجازه عسب اي انا بعد و ما ارد ايرلندا