السلام عليكم ورحمة الله وبركاته..
خواتي أنا مشتركة يديده وأتمنى أني أنتفع وأنفعكم من خلال تبادل الآراء.
أنا عرسي بعد شهرين ان شاء الله، وودي أفصل الفستان، وميزانية الفستان تصل ل 15 ألف كحد أقصى. والأفضل لو قدرت أفصله ب10
مكن اتخبروني وين ممكن أصمم فستان شكله راقي وحلو وضمن الميزانيه؟
وشكرا
السموحه منج الغاليه مااعرف
اذا تبغين تفصيل بهالسعر صعب لكن جاهز وتاجرينه ممكن تلاقين وايد
حبيبتي بالسعر تقدرين تفصلين بنظام (تفصيل اجار).. يعني يفصلج اياه بالموديل اللي تختارينه وقياساتج وتلبسينه اول لبسه عقب ياخذونه عنج.. يكون بحدود ال9000 الى 15 الف..
فابوظبي بتحصلين ( تقاسيم ) روووووعة..
(آيشتي..) لوالمصممم كلوي موجود..
(سبوزا)..
ريموند..
ع العموم استعيلي لانه شهرين مايمدي.. واذا سرتي قوليلهم باقي عليه شهر ونص.. عطيهم قبل موعد العرس ب10 ايام
تقريبا كل المصممين عندهم هالنظام..
والله يسهل امورج
حبوبه في تاجرات فالمنتدى ممكن يساعدونج وعندهم فساتين روعه
حبيبي هذي ليلة العمر المفروض من زمان كنتي تفصلين الفستان لان اقل شي يباله 4 شهور عسب يبضطون الشغل والدزااااين ..انا شرات كنت افكر افصل بس خفت انه مايسون لي عدل ومايطلع حلو ماريد احط عمري في الموقف واتندم !
نصيحة كاخت استاجري ،، لان شهرين مايكفي فديتج عاد لو شهرين بسون لج اياه حيه الله اي شي
لازم الغاوي والراقي يباله وقت وماعتقد شهرين يكفي . .
وعسى ربي يوفقج ويسعدج ..
شكرا لكل من قام بالرد على موضوعي، وجزاكم ألف خير وغفر لكم ووفقكم لما يحبه ويرضاه.
أنا سرت عند وحده إسمها ام محمود في الشارجه، وهاي أول وحده واول مره أتعامل وياها.
فساتينها بسيطو وحلوة، بس مب اللي في بالي.
عندها واحد عيبني، وقالت لي حجزي واحد الحين وتقدرين اتغيرينه عقب.
ما ادري شو رايكن؟
وشكرا
مووووووووووفقه حبيبتي بس وااايد متأخره