خواتي ابيكم تساعدوني اللي عنده خبره كيف تكون النظافه الشخصيه عشان الخياطه ما تخترب وتبرا بسرعه في فترة النفاس " يعني متى استخدم الماي والملح وشو احسن نوعيه استخدمتيها و متى تستخدمين الميبو او اذا في شي ثاني ياليت لو تكتبونه لانه ريحته كريهه والبيتادين متى نستخدمه ؟؟؟
الما والملح زين
ما اعرف تحاميل الملح اول مره اسمع عنها
بس اختي نصيحه مني انا في ولاداتي ال2 كنت ما استعمل ماي وملح..
كنت اسوي مغاطس بابونج.. لان الملح في البدايه سوالي مشكلة .. صارت الخياطه أشد وقاسيه جدا..
فاستخدمت البيتادين المطهر والبابونج مغاطس..
وكانت دكتورتي كاتبتلي بدل الميبو reperal gel
مخدر للالم ومطهر للجرح..
الله يعينج ويعينني ويعين كل الحوامل
ما لحقت أنسى.. الحمدلله على كل حال
ربي يسهل عليج اختي
تحاميل الملح بتلقينهن عند الدكتوره زينب الشنار
الله يسهل ولادتج
احسن شي الميبو
دكتورتي ما نصحتني بالملح ابدا
قبل النوم تغسلي بغسول طبي … وابتعدي عن الماي والملح لانه يحلل الخيوط … ويسبب التهابات..
وعقب الغسيل جففي المنطقة واذا قدرتي عرضيها شوى للسيشوار وعقب حطي كريم سيباميد الطبي بصراحة انا ما حب ريحة الميبو ..
وكررى هالطريقة اول ما تقومين من النوم وقبل النوم بس مرتين في اليوم يكفونج…
وعلى فكرة الخياطة يبالها 40 يوم تقريبا عقب بروحها بتطيح ما يحتاي ترجعين للعيادة تشلينها ..
وكل ما عورتج الخياطة زيادة اعرفى انها قاعدة تشد وتلتحم…