فترة الملجه

أنا مالجه من جم شهر للحين ريلي ما عطاني مصروف
مع انه يعرف انه لازم يعطي وحالته أوكيه ( الحمدلله اهلي ما مقصرين فيني بس اللي اعرفه انه يعطي من يملج )
وما يزورني وايد غير مرتين بس مع أني مالجه من 4 اشهر ( هو باماره ثانيه) حتى الفون ما يكلمني وايد

وكل شي تمام بعلاقتنا الحمدلله بس افكر بهالنقطتين هل هو شيء عادي ولا ؟  

هذا رايي يمكن في ناس عندها لازم يصرف عليها ريلها فتره الملجة

والزيارات بعد احسه شي عادي في وايد اسباب مثل ما قلتي هو من امارة ثانيه ويمكن يستحي او شي واشدراج يمكن يبين نفسه ثقيل وعقب العرس يطلع دفش خخخخ

انا ريلي الحين ريلي مب بس مالج ما يقولي اي شي تبينه حاضرين وما يقولي انا مسؤول عنج في رياييل ما يقولون في رياييل من الناحيه الماليه ما يهتم وايد شرات ريلي هذا مب معناته انه بيقصر وياج في العش الزوجيه شي رياييل قبل لا تطلبين شي مادي اييبه لج ومركز ع الماده ويبين حبه لج ماديا شكله ريلج نفس ريلي اكثر شي مركز ع العاطفه وما يهتم ع الكلام والماليه