مرحبا ..
خواتي بغيت اتخبركن ..اللي تقعد فبيت ريلها فالاربعين هل تسوي لها غرفة بروحها ترقد فيها ويا البيبي لين شوي مايكبر البيبي ويخف صياح ..ولا ترقد بنفس الغرفة ويا ريلها …
نقطة ثانية البعض قاللي لا تخلينه بروحه يرقد وعقب يتعود اني بعيدة عنه وتصير فجوة ..
أنا احاتي أرقد ويا ريلي والبيبي يسوي له حشرة وهو وراه دوام ويستحي يقوللي انه يتضيج ..لانه يقوم من الساعة 5:30.طبعا انتو عارفين حشرة اليهال كيف ..
انتو كيف تسون بها الفترة ..
أنا ابا اسمع آراء المجربات ..اللي تقعد الاربعين ويا ريلها مش اللي فبيت اهلها ..عفوا
عادي ارقد فحجرتي ليش اطلع منها؟؟؟
وجان على حشرة البيبي اذا نش وتم يصيح وايد شليه واطلعي وياه شوي من الحجره لين يهدا وارجعي… بس تحملي تطلعين من غرفة نومج
رايي من راي اختي ^
يفضل تقعدين بغرفتج وياه ، وعالبيبي يوم يصيح شليه لبرا
ارقدي ف حجرتج وان جان ع حشره البيبي فهميه ان وداعا لايام الدلع هذي ضريبه العيال
ولوازعجه شو المشكله مع الوقت اصلا الزوج يثقل رقاده يكون تعود ع حشرت عياله
واي وايد خايفه ع رقاده .. الرياييل رقادهم ثجيل سنطور ما بيقومهم .. المهم تحملي انج تسوين حجره ثانيه او تعطينه مجال يرقد في حجره ثانيه .. بياخذها علثه و ع الدقه بيشل بعمره وبيطلع
انا ثاني نونو تميت 15 يوم عند ماما عقب رديت ..
هو لمحلي اني اتم زياده لين ما اخلص الاربعيتن .. طنشته ..
النونو كنت انومه عدالي وكل ما سوا وااااق حطيته ورضعته .. والتبديل البمبرزس عادي حاطه مثل قطن و غرشه ماي و طشت بلاستيك صغيييير ع صوب بس اغسله على سماط مال النونو خمس دقايق و ارقد ..
يعطيكن العافية خواتي ..صدقكن انتو شكلي بتم وبسوي اللي قلتن لي عليه .
عادي في البداية بيتضايج عقب بيتعود
ومن يصيح اطلعي ولما يرقد رديه سريره وانتي ارقدي مكانج لاتطلعين