مرحبااا ملايين
بنااات قبل كل شي ترانيه مالجه !! و الي عندها نصيحه تنصح و الي بتعق رمساات اقولها لا تردين ..
بختصر عليكن الموضوع البارحه ناس الله لا يسامحهم هكروو عليه
و المشكله انيه انصدمت اشوف صور تتبطل و تتبند و الكام ليته والع !
و اشوف حد يكلمنيه ع المسن انه يتحكم في ماي لاب
اتصلت خدمت الامين قالو لازم افتح بلاغ .. و قلت بفتح بلاغ بس الصبح الحين ماقدر كل الي في البيت رقود
المهم كلمت ربيعتيه قالتليه ولد خالتها يعرف لهالسوالفو قالت انه بيكلمنيه و بيقوليليه شو اسوي
قلتلهاا اوكي يلا كنت مستعيله و اللاب في صور هليه و اليهال
اتصل و بين كل كلمه و الثانيه يقول انزين حبيبتي .. انزين فديتج و انا هالوقت كنت ميته من الصياح زايغه ع الصور ..
المهم علمنيه كل شي و قاليليه شو اسوي بالضبط
و بندت عنه
اليوم المغرب اتصل قلت يمكن في شي رديت قال ها حبيبتي في شي يديد !!
انا ضجت من رمسته و قلت له ترانيه مالجه قال اها اوكي و بندت في ويهه
اليوم الساعه 3 الفير سواليه و ما رديت عليه
رمست ربيعتيه قالتليه (هذا اصلن هب ولد خالتيه بس قلت لج جي عسب اباه يساعدج)
قلتلها قوليليه ما يتصل .. قالت اسمحيليه ما اقدر !!!! و قالتليه دخيلج لا تزعلين بس ماريده يزعل مني و يقول اني اغار و لا شي
المهم !!!
اريد منكم نصيحه كيف افهمه انه ما يتصل !
و انيه بس كنت اباه يقوليليه كيف اتعامل ويا الهكر !
بسم الله الرحمن الرحيم
من البداية بقوول دام هالســالفة بينج وبين اربيعتج لاتخبري اي حد
وثــاني شي انتي قلتي له انج مالجه وهومطنش >> قولي له انا اخاف ربي ولا ابي اخون ريلي
وإذا بعدهـ مطنش هدديه وقولي له رقمك اوصله للشــرطة ^^..
واربيعيج جي اتقول ليش شو يكون لها ؟؟
مستحيل حبيب لانها صدق بتغار وبتقووله لا ترمس غيري
كانت تقدر تطلب لابج وهي اتسوي ع الي يقوله وعقب اترده لج
اختي فكــري ويــاي اربيعتج جي قالت لج >> يعني هي بنفسها عقتج ف مشكله
ترا عــادي اتيبج واتوديج ف مشاكل اكبر وانتي مالجه يعني باجــر ان شاءالله عروس
حاولي تتجنبينها عسب مستقبلج لايضيع بدينها >> آسفـــة ل قلت شي ماعيبج
بس ها الي قدرت عليه ^^..
مــياسة كانت هنــا
قوليله انا قبل بفتح بلاغ ف خدمه الامين ع الهكر الي ف الاب بس شكلي بفتحه البلاغ عليك الي ما يستحي
اممممم الله يعينج الصراحة
بس انا نصيحتي تقولين حق حد من خوانج وتخلينه هو يتصرف
عسب عقب لحد يلومج ويقولج انتي غلطتي يوم كلمتيه
وخس الله الربيعة يوم انها جذا خخخخخ
المهم تصرفي قبل لا يعرف ريلج يكون احسن
والله ياخوفي توهقج عقب هالربيعه
والله يستر عليج دنيا واخره
اول شي اتزقريه وخليه فلس حمر مايسوى
واذا رد يتصل وانا اتوقع لانه وقح….لاردين على مكالمته لويحرق تيلفونج من الاتصال
طنـــــــــــــــــــــــشيه بيعيز
المشاركة الأصلية كتبت بواسطة شوري براسي 
بس انا نصيحتي تقولين حق حد من خوانج وتخلينه هو يتصرف
عسب عقب لحد يلومج ويقولج انتي غلطتي يوم كلمتيه
وخس الله الربيعة يوم انها جذا خخخخخ
المهم تصرفي قبل لا يعرف ريلج يكون احسن
لــأ لأ
لاتقولين حق اي حد من اخوانج >> ترا هو بيقوول اختكم من البداية رضت اترمسني
عقبها السالفة صدق صدق بتنجلب عليج ^^..