السلام عليكم و رحمة الله و بركاته
كيف الحال خواتي؟
ان شاء الله مرتاحين
عندي لكم تساؤلات >>>
ما اتفلسف والله
بس ابغي مشورة و نصيحة…
اوني <<<<
الموهيم:
التساؤل الاول و يا ليت اهل الخبرة يساعدونا…
عندج حد من اهل ريلج امه و الا ابوه و ما يقدر أو ما تقدر تقوم بعمرها؟
مثلا انا عند ام ريلي و هي شوي تعبانة
يعني احيانا لما يزيد عليها التعب ما تقدر ترفع ايدها
كيف تتصرفون
بتبديل اللبس؟
بالاستحمام؟
بالنوم ؟
بالاكل؟
والله ما قصدي العقوق و ألا الضيق بس ما اعرف كيف اجابلها استحي منها وايد …
و بالنسبة للسكن؟
ساكنة روحج و في منطقة بعيدة عن باقي المدينة و ما فيها انارة بالشوارع و ما شي شوارع اصلاً…
اخخخخخخخخخ
و الادهى ان جيرانكم بعدهم ما انتقلوا عدالكم…
الفريج ســــــيييييييييييييييييييييييييييييــح فاضي ….
و الدنيا صخة
شوي و بقول ما تطلع لكم اشباح…
لووووووووووووووول
بس جد جد اخاف اقعد ببروحي بالبيت لما يروح ريلي الدوام ولدي توه ما كمل سنه و عندي شغالة زينة ما شاء الله عليها…
بس اخاف وايد اخاف و اتخيل اشياء و اعرف انها خيال …
اشغل قرآن على طول الوقت…
بس ما تجرأت ابات بالبيت بروحي مع ولدي و الشغالة…
والله اروح بيت ابوي و الا بيت عمتي ابات…
الخوات اللي ساكنات رواحهن كيف تقضين الليل بروحكن انتن و عيالكن يوم بو الشباب يبات بالدوام؟
أفيدونا
بالنسبة للتساؤل الاول ماقدر افيدج لان ماعندنا شواب
اما التساؤل الثاني لج حق تخافين .. انا فبيت اهل ريلي بس بقسم بروحي بس يوم ريلي يداوم ماييني رقاد لين ما اسمع اذان الفير واتطم وانام ههههههههه … خاطري اودر طبع الخوف والله
والله مرت علي حالة ام ريل خالتي – الله يرحمهن –
كانت امه تعبانة عمية وريلها مكسورة فكانت خالو الله يرحمها تشلها وتوديها الحمام وتسبحها وحتى لما قامت تلبس حفاظ كانت تغير لها لانها كانت تبغي رضى ربها وزوجها الين توفت العيوز الله يرحمها
وعدت العيوز حسبت امها
وسبحان الله لما خالو تعبت – مرضت بالسرطان – كان ريلها يبات معاها بالمستشفى وسافرمعاها ايران وسنغافورة وكان دددددددوم يبات عندها في مستشفى في ابوظبي
الله يرحمهن ويرحم جميع موتانا وموتى المسلمين
وبالنسبة للسكن الصراحة انا وحدة شراتج اتروع من اليلسة روحي
من راي تاخذين عمتج عندج وتنشغلين فيها احسن لج والله بيطرح لج البركة في بيتج
وما بتخافين من شي ان شاء الله
المشاركة الأصلية كتبت بواسطة كراميلة 
اما التساؤل الثاني لج حق تخافين .. انا فبيت اهل ريلي بس بقسم بروحي بس يوم ريلي يداوم ماييني رقاد لين ما اسمع اذان الفير واتطم وانام ههههههههه … خاطري اودر طبع الخوف والله
الله يعيننا
على هذا الخوف
ما شي حل عملي؟؟؟
المشاركة الأصلية كتبت بواسطة عالية الغالية كانت امه تعبانة عمية وريلها مكسورة فكانت خالو الله يرحمها تشلها وتوديها الحمام وتسبحها وحتى لما قامت تلبس حفاظ كانت تغير لها لانها كانت تبغي رضى ربها وزوجها الين توفت العيوز الله يرحمها
وعدت العيوز حسبت امها
وسبحان الله لما خالو تعبت – مرضت بالسرطان – كان ريلها يبات معاها بالمستشفى وسافرمعاها ايران وسنغافورة وكان دددددددوم يبات عندها في مستشفى في ابوظبي
الله يرحمهن ويرحم جميع موتانا وموتى المسلمين
وبالنسبة للسكن الصراحة انا وحدة شراتج اتروع من اليلسة روحي
من راي تاخذين عمتج عندج وتنشغلين فيها احسن لج والله بيطرح لج البركة في بيتج
وما بتخافين من شي ان شاء الله
الله يرحمهم جميع…
و انا حاولت مع عمتي تيي تسكن معاي على الاقل مؤقت بس ما رضت لانه عندها ولد بالمدرسة و ما عندها بنات بالبيت….
و مرة كنت زايرتنها و طلبت مني ادخل معاها الحمام لانها تعبانة بس استحيت و حسيت عمري بصيح و ما عرفت شو سوي…
بس هي متعودة الشغالة تدخل معاها… والله قلبي يعورني كل ما تتعب عمتي و ما تقدر تقضي حالها
و انا واقفة
خاطري اتشجع و اساعدها…
اقعد عندها بين الفترة و الثانية
الله المستعان…
خواتي ممكن تجاربكم
انا وحليلي بعد اتم سهرانه لين الفير وبعدين ارقد يمو ريلي يكون في الدوام الله كريم شو بنسوي بس المفروووض نسوووي حمله ضد الخوووووووووف يلاا كل جبااانه تيي تشااارك خخخخخخخخخخخخخخخخخخخخخخخخخخخخخ
والله انا ريلي يوم يسير الدوام ايلس افكرطول اليوم بالليل والله العظيم ماادري ليش يمكن جبن مني الله يبعد عنا الخوف
يالله خواتي شدن حيلكن
نبغي تجارب في التغلب على الخوف
تراه فكرة الكشافات حلوة و ان شاء الله بنجهز ميزانية و بنركب كشافات…
يزاكن الله خير خواتي…