سلام عليكن
شخباركن خواتي
انا بعد شهرين بتخرج من الجامعه، و ريلي مصر اقدم على وظيفه، و انا مش مقتنعه لان مب حابه اشتغل
خلال فترة دراستي تعبت من الدوام و الحمل و الربي، و كانت تمر عليه ايام ما اقدر عدل عشان البيبي و الرضاعه و اذا تعبت أو مرض البيبي
انا بصراحه حابه ارتاح، و ريلي مصر اشتغل، و انا رافضة الفكرة.
كيف اقنعه عشان ينسى هالفكرة, ساعدوني بليز
عزيتي
الشغل لج انتي اولا جدا مفيد من وايد نواحي
استقلاليه و زياده دخل و تبنين شخصيه يديده و مصقوله و تجارين الاحداث اليديده فالمجتمع وتكونين مع ريلج على الخط غير انه يشغل وقت فراغج
تفكيرج جدا بيتغير
ثانيا
الدراسه شي و الشغل شي
الدراسه ما تخلص طوول اليوم
الشغل يخلص وقت انتهاء الدوام و ما تردين تاخذينه للبيت نفس الدراسه
عيالج بيكبرون بيدخلون المدارس و البري سكول و الروضه و انتي بتمين فاضيه لا شغله و لا مشغله
فكري زين و صلي استخاره
شرات ما قالت الأخت ،، لا تفكرين أنج أول ما بدورين ع الوظيفة بتحصلينها بسرعه ،، الموضوع بياخذ وقت حتى يوصل لست شهور أو أكثر ،،،
والوظيفة أضمن لج بالعكس مب متعبه شرات الدراسه ،، وبتساعدج وايد خصوصا الراتب ومدخولكم بيزيد ،،
سبحان الله في حريم يبن يشتغلن وريايلم مب راضين
وفي العكس..والخوات ما قصرن بس انتي شوفي
اللي يريحج وسويه..وما خاب من استخار
بالعكس الشغل حلوو
انتي قدمي اوراقج ترى وايد اطولين ف الاجراءات و عقب لو ما تبغين اداومين الحين حددي عقب شهرين اداومين عسب ترتاحين
قرار الشغل بيدج انتي ومحد يقدر يجبرج اذا تبين تشتغلين اشتغلي واذا ماتبين على راحتج
بس بصراحه انا اللي اشوفه من واقع حيااااتي ومن المواقف اللي اشوفها الريال اللي يبغي حرمته تشتغل يبغي يستغلها ويستغل راتبها
وطبعا مشاكل مالها اول ولا تالي…. فإذا حبيتي تشتغلين كوني صريحه وياه وواضحه انه راتبج حق بروحج وماله خص فيه بس عاد باسلوب حلو
يمكن اهنيه يغير رايه ويقولج برايج ايلسي ف البيت
المشاركة الأصلية كتبت بواسطة ليتك تفهمني 
بس بصراحه انا اللي اشوفه من واقع حيااااتي ومن المواقف اللي اشوفها الريال اللي يبغي حرمته تشتغل يبغي يستغلها ويستغل راتبها
وطبعا مشاكل مالها اول ولا تالي…. فإذا حبيتي تشتغلين كوني صريحه وياه وواضحه انه راتبج حق بروحج وماله خص فيه بس عاد باسلوب حلو
يمكن اهنيه يغير رايه ويقولج برايج ايلسي ف البيت
ان بعض الظن اثم
و من واقع تجربتي الحمد لله الرياييل ما يستغلون حريمهم