السلام عليكم خواتي …
اكيد مليتو من هالسؤال المكرر .. بس مالـــي غير خبراتكم 
حبيت اسال
عمر ولدي موضح في التوقيع تحت .. شو من الاكل ممكن اعطيه
ملاحظة : انا اعطيه فترة الصبح سيريلاك الارز و عالعصر كوسا وجزر مسلوقين ومطحونين
بس احس مايحبهم .. اول شي يااكل عادي بس عقب يتنرفز ويمل ويصيح
وبعد لو عطيته الوجبه احس ييوع بسرعه ويبا حليب … ما اعرف الكميه اللي لازم اعطيه اياها
فانتظـــاركم .. والله يوفقكم يارب .. سواء رديتو او مارديتو علي
up
up
up
أنا أكلت بنتي يوم كملت 6 شهور ع كلام الدكاتره
ف أخاف انصحج بشي ويطلع مب مناسب لسنه
وعادي وأيد يهال جي عقب الأكل يصيحون يبون حليب سو دونت ووري
انا بعد اكلت بنتي بعد ما كملت 6 شهور..
وبديت بـ وجبة وحده..
لا تغصبينه لو ما يبا عطيه حليب..
الحين هو بـ مرحلة ان يتذوق بس.. يعني عطية خاشوقة ولا 2 وبعدين حليب..
أنا بنتي لين الحين تصيح بعد الاكل تبا حليب مع انها تأكل زين ماشاء الله
يمكن يعطش عطيه بين كم لقمة شوي ماي
وهافترة مو لازم يشبع يعني بس يتذوق عشان من يخلص ااسادس يكون متوعد عالطعم
المشاركة الأصلية كتبت بواسطة بائعة الزهور 
وهافترة مو لازم يشبع يعني بس يتذوق عشان من يخلص ااسادس يكون متوعد عالطعم