علاج للصلــع والفراغات وتساقط الشعر في خلال اسبوع

انا تعبت نفسياً من شعري قبل 10 سنين كنت دوووم اصبغ واصبغ واغير لووونه واقصه كنت مهمله

الموووهيم .. طبعا شعري بدا يتساقط بعد ما كان غلييييييييييييظ بشكل مب طبيعي وطوووويل واصل للركبه

ما خليت زيت وحطيت الوفيرا ماخليت خلطه ولا ابر كل شي جربته وصراحه في نتايج بس بطيئه و احس كل فتره التصحر يزيد
شعري يطووول بس مشكلته خفيييف

اختي وربيعاتي وكل اللي اعرفهم يقولون لي حطي ثووم طبعا ريحته عافانا الله ما تروووح جربت مره وحده ولاعت جبدي

بصراحه يأست واستسلمت

قمت ادور فجوجل ولقيت خلطه وجربتها اليوم وان شالله القى نتايج سريعه مثل ما يقولون

حبيت افيدكم وتشاركوني تجاربكم

الخلطه بسيطه وسهله عباره عن :

راس ثوم مدقوق
ملعقه كبيره قرفه مطحونه
كوب ماي ورد << انا حطيت نص كوب لانها بتطلع وايد سايله ((حطيت نصه ماي ورد للأكل ونصه ماي ورد للجسم)) اعتقد عشان ريحة الثوم تخف

حطيها ع راسج مع مساج لمدة 10 دقايق وخليها ساعه بس انتبهي اتي على ويهج لانه الثوم ينشط نمو الشعر <<انا مالي خص خبرتكم

كرري العملية مرتين فالاسبوع لمدة شهر وبعد شهر سويها مره فالاسبوع

((عشان الريحه))

غسلي شعرج بشامبو بريحة الفواكه او اي شامبو قوي وحطي حمام زيت للشعر لمدة ربع ساعه وغسليه

انا اغسل شعري اكثر من 5 مرات بالشامبو واحط زيت زيتون وبلسم عشان ما يتقطع الشعر

بعد الشاور قبل ما ينشف الشعر حطي عطر زيتي مركز << انتبهي بدون كحوول قلت مركز ((الكحول يسبب تساقط الشعر))
دهن عود او اي عطر ريحته قويه او مخمريه

حطي عالفروه والشعر ونشفي شعرج ودخنيه عقب والله الريحه بتروووح وبالعكس شعرج بتكون ريحته حلوه

تجارب:
وحده كان ريلها اصلع مافيه شعر كانت كل يوم تحطله ثوم عراسه وماشالله طلع له شعر وصار وغليييظ بعد وصار يطول بسرعه

وقريت عن وحده تقول انها صارت صلعه لانها صبغت شعرها مرتين فأسبوع واحد وقام شعرها يطيح لين ما قرعت ولا شعره فراسها مسكينه وقامت تحط ثوم وتقول من بعد اسبوع طلعتلها مسامات وبدا الشعر يطلع وصار غليظ وطويل

ان شالله اكون افدتكم وياليت تفيدونيه بتجاربكم مع الثوم

وان شالله بخبركم بالنتايج اول بأول واللي حابه تشاركني التجربه تخبرنا شو بصير وياها