السلام عليييكم بنياااااااات وسيدااااااات
ابا علاج للبهق فيني بهق من 18 سنه تقريبا بس الحمدالله في ظهري 3 دواوير صغيره كبر ال 50 فلس يعني النص كانو كبار بس مع العلاج صغرو واخر مره اتعالجت يمكن كنت صغيره ايام الابتدائيه ووقفت لانهم ماقامو ينتشرون ولا يكبروون يعني سويت طاف
والحين عقب كل هالسنين اكتشفت اختي اليوم بالصدفه ان المنطقه اللي حولين البهق قاعده تبيض يعني قاعد يكبر البهق….انا خفت والحين ابا اكمل علاج مع ان ريلي اكثر من مره قالي بيودين اعالج اذا ابا بس انا ماكنت متفيجه وخلاص اتعودت عليهم
ربيعة بنت عمة امي اتعالجت في تايلند في 10 ايام وخبرت ريلي وقال انه بيوديني في اقرب اجازه بس المشكله ربيعة بنت عمة امي ماترد عالتلفون وابا اعرف وين تعالجت وكيف بالضبط بصراحه مافيني صبر وانا سمعت بعد ان العلاج في الهند والاردن والسيلان يمدحونه … بليز اللي مجربه او سامعه او تعرف عن العلاج في اي دوله تخبرني خلاص نفسيتي من الحين استوت داااااون 
الله يعينا ان شاء الله
الله يشفي كل مرضى المسلمين ان شاء الله ويشفيني
ام الشيوخ انا شفت الشاعر محمد الذيب اختفى عنه االحين مادري كيف عالجهه ؟
انا بعد ابا اعرف عندي بنت خالي فديتها منتشر ف كل مكان وف ويها اكثر شي اول مابدى على عيونها وخلاف قام ينتشر وسافروبها الهند والسعوديه ماشي فايده ياليت تخبروننا
يقولون الماي والعسل
الله يشفي بنت خالتج ان شاء الله
بلييييز اللي عندها اي فكره اتخبرنا
انا راسلت عياده تخصص البهق في الهند في بنقلور بالتحديد واتريا ردهم وان شاء الله بسافر في اجازة الربيع وبشوف شو اللي يقدرون يسوونه والله يسهل عليه وعالكل ان شاء الله
روحي زين الاتات والله يشفيج ان شاء الله