انا عيد زواجي عقب اسبوعين!:1 (35): ولا مسويه شي!
ابي اغير بشكلي، لكني حامل، و اخاف اسوي شي يضر البيبي! قصدي ع الصبغ! قص، ولا احلم اقص طبعا!
و بو الشباب قال لي انه حاجز فندق و مب راضي يقول لي اسمه! ابي ارتب كل شي ويا الفندق، لكن استحاله!:1 (36):
عاد هاذي اول سنه احس اني مغلوبه ع امري! لا قميص نوم ماخذه، لا ترتيبات و لا شي! لأن المطوع :1 (40): لاصق فيه لصقه! مب راضي يفج و يخليني اسوي شغلي ع راحتي!:1 (6):
شوروا علي! ماذا افعل؟؟؟:1 (7):
هلا حياتي في صبغات خالية من الامونيم تنباع في الصيدليات اشتريهن وروحي الصالون حرمة اخو ريلي جية اتسوي يوم كانت حامل ………وبالنسبة لقميص النوم خلي وحدة من خواتج اتروح تشتريلج او اذا مقاستكن نفس الشئ اخذي من عندها
فديتج الف مبروك اما عن سالفه لاصق فيج خليه يوديج السوق ويوخر عنج وانتي عاد ادخلي محل الانجري وخذيلج واحد مرتب جي متكتك الي يذوبه
المهم القميص يفضل …مال ليله الدخله إذا مالبستيه وايد…أحلى….والمكياج على حسب اللون تسريحه الشعر إذا ما قدرتي تسوين في صالون سوي في البيت وغيري المعتاد مثلا دوم تفتحينه هذاك اليوم إرفعيه نصه أو إرفعيه كامل فوق أو سوي فير أو موس أو عقصيه بحركه حلوه وعاد إنتي أدرى………….
يينى للباجي
إشتري بالونات شكل قلوب وشموع بأشكال وحلو لو كله لون كامل يعني أحمر كله أحمر أو وردي كله وردي وهديه رتبيها له وباقه ورد…………..المهم إلحين تخلينه ينزل ييلس في الرسبشن لين ما تخلصين إلبسي وترتبي وتعطري ووزعي البالونات والشموع ومثلا بأوراق الورد الطبيعي الأحمر تكتبين أحبك على السرير أو تكتبين (أحلى أيام عمري معاك)
وإذا في طاوله صغيره تيييبين معاج من البيت كوبين زجاجيه وتزينينها بشرايط وتحطين عصير وصحن حلا (يفضل بيدج تسوينه )له طعم وتحطين شمعتين على الطاوله وتوزعين مثلا زري وأوراق ورد طبيعي أو مجفف والهديه تحطينها فوق السرير والباقه في يدج ودقي عليه يطلع لج وأول ما يدخل عطيه الباقه وإيلسوا إلعبوا (سوي بحث في قوقل أعاب الزوجيه )بتلاقين وايد وإلعبوا وكلوا والله يوفقكم وإن شا ءالله تستانسون طمنينا عنج …….شو سويتي وإسمحيلي طولتها وهي قصيره…………………
الصبغه من راي ما تصبغين ألحين يمكن مضره على البيبي حلو يوم تخلصين النفاس تغيير…:22 (22):
والله يسخرنا لأزواجنا ويسخرهم لنا ويسعدنا ياااااااااارب آمين….
الله يسعدكم دنيا و آخره و الأختين اللي فوقي ماقصرن بصراحة أفكارهن غاويه
تسلمون لي فديتكن ع الردود الطيبه! بس انا متعوده اني اخذ كل شي، و ارتب له كل شي و هو ما يدري متى اخذته!
يعني، ما ابيه حتى يشوفني ادخل محل اللانجري! تسلمين لي اختي سيده اماراتيه ع الافكار اللي اكثر من روعه! و بسويهن ان شاء الله!
و بالنسبه للشعر، يعني اتهقون اخليه لين اطلع من الاربعين! تراني ايلس ويا ريلي خلال هالفتره، ما اسير عند اهلي!
يالله! هالله هالله بالردود الطيبه و الافكار العجيبه!
اختي عن ملابس النوم شوفي فالقسم التجاري شي بنات يبيعون ملابس روعه واشكال وارخص عن السوق ..
وبالمره تشترين شي وهو مب حاس ^__* ..
وعن الحركات شوفي المواضيع في هالقسم ما شا ءالله عليهم البنات مب امقصرات .. امسوين مواضيع فيها حركات وسوالف اتخلي الريل يتخبل 
…
الف الف الف الف الف مبرووووووك قلبي وربي يسعدج ان شاءالله اذا حبيتي اسويلج هديه روووع فالج طيب