السلام عليكم ورحمة الله وبركاته
خواتي العزيزات
حبيت اخذ رايكم ما عليكم امارة حابه اهدي وحده عزيزة علي وايد إهداء حلو ومحتارة شو أخذ لها وهي ما شاء الله عليها من النوع اللي ما تستخدم الى ماركات
فقلت اخذ لها عطر غاوي فأي عطر تنصحوني أخذ لها
ومشكورين
موفقــة الغـــلا
للرفع
شورايج بعطورات هند العود ،، عطورهم غاويه وثابته واسعارهم تبدا من ال 500 وسعرها فيها صراحه
بعد عندج مجموعة عطور كيليان تلقينها في باريس غاليري ، عندج تقريبا 11 عطر من كيليان اختاري اللي تحسينه يناسب ربيعتج ، سعره الف وشوي
عطورات برادا روعه وشخصيا مااستخدمت عطر من عندهم عطر الا وكان روعه ، اسعارهم بحدود ال 450 الى ال 500
عطورات مونتال تقدرين بعد تجربينها عطوراتهم على عربية اكثر بس جد روعه وثابته واسعارهم بحدود ال300 وال 400
هذا اللي اتذكره حاليا
يربي البرايفت كلكشن من توم فورد انا حبيت الاريبيان عود والتوباكو فانيليا
والوايت مسك كلكشن بعد حلو وخذت منه السويس مسك والوايت مسك
البرايفت كلكشن مال ارماني بعد حلو خصه العود والعنبر والجاسمن
والبرايفت كلكشن مال ديور بتحصلينه فالبوتيك انا خذت العنبر والعود لذر والباتشولي اليديد
عطورات كيلين الي ع مارشيملو اسمه dont bu shy وخذت topical me
مممم شو بعد عطورات شانيل لي فالبوتيك حلوه بعد البيج و 22
وعطورات امواج بعد روعه
وايد سوالف خخخخ لاني ادمان نسيت هذا لي يحضرني
O U D I M M O R T E L
عندج العطورات الراقية والحلوة واسعارها غالية توم فورد و كيليان و بوند 9
او ممكن تاخذيلها كوليكشن يعني العطر و اللوشن والشاور جل
عندج كوليكشن شانيل كوكو مودموزيل العطر بروحه ب 650