حبيباتي
كيف الحال
حبيت اراويكم طريقتي في الطوشكا
الطوشكا هي نفس العرايس بس زيادة عليها جبن الحلوم
المقادير:
كيلو لحم كفتة جاهز من جمعية الشارقة التعاونية
طماطة متوسطة
2 جبن حلوم مبشور
2 كيس خبز لبناني كبير
الطريقة:
نضيف الطماط على اللحم ونعجنه
نفصل الخبز اللبناني عشان انحط اللحم داخله
ناخذ ويه واحد وندهنه بزيت زيتون من الداخل (كمية محترمة من الزيت) مثل الصورة
نحط عليه اللحم ونوزعه
نحط الحلوم المبشور
ندهن الويه الثاني بالزيت من الداخل
ونغطي اللحم وبعد ندهن الطوشكا من فوق بالزيت
نقصص الخبزة لأربع قطع
ونشويها عالفحم
الطوشكا تنشوي بسرعة وإذا تحبون تقدرون اتسوونها على تاوة ناشفة وتقلبونها كل شوي لين بستوي الخبز لونه بني
وبالهناااااء والشفاااااء
عذاااااااااااااااااااااااااااااب
ما شاء الله
تسلم اديج
الغاليه
انا اسوي العرايس بدون الحلوم بجرب طريقتج
ييممممممممممممممممممممممممممي
تسلم ايدج الصراحه مشالله شكلها لذيذ.. مايخصني لازم اتسويلنا يوم 
تسلم ايدج الحلوه
بس انا يوم اسويها احطها في الفرن
ما شاء الله عليج روعه ان شاء الله بجربه
المشاركة الأصلية كتبت بواسطة المياسه 2 
ما شاء الله
تسلم اديج
الغاليه
انا اسوي العرايس بدون الحلوم بجرب طريقتج
ييممممممممممممممممممممممممممي
الله يسلمج عزيزتي
ويا الحلوم وايد أحلى جربي