بنات انا كنت كاتبه موضوع ان انخطبت وكانوا الناس طالبين الرد بسرعه انا استخرت وحسيت بالراحه بس كنت متردده لانهم ماعطوني وقت علشان اقرر زين بس توكلت على الله ووافقت والحمدلله
الحين دايما احس اني متوتره وخايفة مرات يكون عادي ومرات اتوتر و كله افكر فالانسان الي باخذه وبحياتنا وبعايلته خاصتا اني بعيش وياهم فنفس البيت مرات اييني شور اكنسل خخخ بس طبعا فات الوقت لان ابويه عطا كلمته … وبعد بنتقل اماره ثانيه صح انها مب بعيده بس بعد ..يعني اذا الواحد بنتقل لمرحله يديده و بتتغير حياته 180 درجه
مرات احس اني بحلم .. البنات الي تزوجن حسيتن بنفس الاحساس ؟!!!
ياليت تبردن هوادي واطمنني
انا عن نفسي الصراحه جي كنت شراتج الحين وحتى لين عرست وبعدين يوم اتعودت عالوضع عادي يعني عادي حبوبه اتوكلي على الله ولا اتخافين
مبروك مقدمآ ……
عاد لاتنسين تعزمينا عالعرس والملجه ههههههه طماعه
استانسي تراج بتستوين عروسه ^_^ و ربي يوفقج ان شاء الله
شعور طبيعي الاغلبيه جذا
عادي بتتعودين باجر
الله يوفقج وييسر امرج
أحس عادي . . أنا جيه استوى بي الصراحة ،
حسيت إني خلاص بكنسل السالفة من كثر ما
كنت متوترة ، بس توكلت على الله وتم الموضوع
الحمد لله ، الله يوفقج حبوبة ^^
حبيبتي ألف مبروك .. أحين لازم تكونين مستانسه وما ضيعين أي فرصة فرح في حياتج والتفكير اللي ييج هذا تقريبا كلنا مرينا فيه لأنه أنتي بتغيرين حياتج وبتطلعين من بيت أهلج لبيت ثاني ومع الايام بتتعودين وبتتأقلمين وعيشي حياتج اليايه وأنتي فرحانه وألف مبروك …