انا حامل في الشهر التاسع وباقيلي اسبوع واخلص التاسع — انا النفس عندي مفتوحه 2 سم وهذا الكلام من يوم الاحد وانا الطلق ما احس فيه بس احس انه بطني يشد وبس — المهم انا سؤالي عن الماي الى ينزل — هل ممكن يكون الماي عبارة عن قطرات؟ لان انا شاكه انه ينزل علي قطرات بس مرات اقول لا يمكن ملابسي الداخلية فيها ماي
عليج بالمشي لان يساعد على فتح الرحم وماي الطلق ما يكون قطرات يوم ينزل يكون مثل الولف
عشان جي لا تخافين وامشي كثر ما تقدرين والله يهون عليج وتربين بالسلامه
عادي ممكن يكون الماي قطرات مب شرط ينزل مره وحده انا اف بنتي كنت في الثامن وباجي يومين ادش التاسع كنت احس ان سوائل تنزل علي ونا ما ادري ان هذا ماي يوم اصلي احس شي ينزل ونا اتحرا هاي سوائل عاديه وتميت يالسه ما كان في ويع فتصلت حق اختي قلتلها عن السالفه قالتلي هذا ماي مش سوائل وجنج بتربين قلتلها بس انا مافيه ويع المهم رحت المستشفى قالتلي الدكتوره الماي كله نازل ومفتوح عندج 5 سم واليوم ولاده انشاءالله انا استغربت بس عقب تم اييني الويه بالتدريج وكان ويع في الظهر والحمدلله نفس اليوم ربيت
المشاركة الأصلية كتبت بواسطة ريحانة الجنه 
ريحانة الجنة
بس انا ما احس فيها اصلا — يعني قطرات — حتى مرات اقول يمكن من العرق
المشاركة الأصلية كتبت بواسطة التفاح الاخضر بس انا ما احس فيها اصلا — يعني قطرات — حتى مرات اقول يمكن من العرق
روحي المستشفى عشان تتأكدين احسن لان الحين انتي في التاسع واحتمال اتكون الولاده في اي وكت
لا تستعيلين …اذا بكر طبيعي جدا يطول وياج الطلق ..عليج بالمشي وعصير البرتقال ويا العسل الطبيعي واقري سورة الزلزله وانتي تمشين وانتي يالسه سبحان الله مفعولها رااائع …واذا حسيتي الالم زاد احسبي بين كل الم والثاني …اذا حسيتي الوقت بينهم قصير روحي المستشفى يعني مثل 10 دقايق