السلام عليكم خواتي العزيزات ….. أبى أستشيركم بموضوع …. انا عندي خدامه صار لها عندي 4 سنوات ونص تقريبا والحمد لله زينه مع العيال وعيالي يحبوها …. انا وريلي قررنا انه خلاص تعبنا من الخدامات ونبغي نسفرها خاصه انه أصغر عيالي بدش الروضة بشهر 9 …. الحين اهي راح تسافر أجازه لبلدها بشهر 7 بس حابه ترجع عنا وحنا ما نريدها بس أقامتها ساريه ….. شو تنصحوني اكنسل أقامتها واسفرها ولا أخلي أقامتها وأشوف عمري إذا اقدر ايلس بدونها أو لا ؟؟ علما باني أداوم وارد البيت الساعه 3 ….. وبيتي صغير وايد وعيالي بكونون اغلب الوقت برع البيت في المدارس وأنا ساكنه بعيد عن أهل ريلي وأهلي ( إمارة ثانيه) ….مشكوره خواتي أرجو النصيحة ….
خلي حد ينقل كفالتها
رجعيها المكتب احسن اذا مب حابه تقطعين رزقها
السلام عليكم
عزيزتي
لا تستعجلين الاول جربي هل تقدرين بعد ما تعودتين علي الخدامه
وبعدين ما دام عندك من كم سنه بتكون عارفه شغلها والاولاد متعودين عليها
ولو يوم الاولاد لا سمح الله تعبانين ولا حراره بتساعدك لو ما راحوا المدارس .. واهلك بعيدين عنك ..
والله يوفق الجميع
لاتستعيلين ولاتقطعين رزقها يمكن انتي تحتاجيها او تشتغل مع غيرج بس اتوقع مابتصبرين عنها 
شكرًا خواتي …. الله يجزيكم كل خير عالنصايح…. انا بعد بتستخير وربنا يجيب اللي فيه خير …
مالتلحقين على البيت اذا تشتغلبن بتتعبين
انتي اداومين وتردين البيت تبين ترتاحين مب بعد تجابلين شغل البيت والعيال والله تعب وملل