,,طلب مساعده,, بخصوص الزهبه ,,,

شحالكن عرايس ,,

الغاليات بغيت مساعده ,,

ابا ابدى اتزهب لعرسي ان شاء الله ,,

ومب عارفه كيف اقسم المهر ,,

وشو الاشياء اللي اخذها ,,

وكم عددها ,,

امممممممممم والله ما اعرف احس محتاره مب عارفه كيف ابدا ,,

الحين قلت ببدا افصل المخاوير والجلابيات وهالسوالف ,,

انزين شو الاشياء الثانيه ,,

يعني شو قائمه المشتريات ,, شو اهم الاشياء اللي لازم آخذها ,,

وكم المبلغ اللي احطه لكل غرض ,, تقريبا يعني ,,

اتمنى اللي عندها خبره بهالمجال انها تساعدني ,,

ويا ليت اللي عندها خبره باسماء المحلات ,, بعد تعطيني فكره ,,

ولكم جزيل الشكر ,,, ^_^

اختكن ,,,
دموووع_85,,,

المسكة .. 500
ملابس نوم والملابس الداخليه .. 4000
جلابيات .. 2500 (انا ما البس جلابيات بس عسب اخوان ريلي )
ملابس طلعة .. 4000
النعل .. 1000
الصالونات (بدي ومني كير..فيشن..حنا..حلاوة..حف..حمام مغربي,,فيشن..صبغه)
مشتريات الميك اب ..
عطور .. 1000
الالبوم ..7000
شنط .. 1000
بطايق العرس .. 1000
العقد .. 12 الف
الكوشة .. 14 الف

بس انا عني ,, الالبوم والكوشه بيكونون ع المعرس

يسلموووووووووووووو ^_^

وفي انتظار مشاركات الخوات ….

هذا من موضوع
أحبكM

أنشاالله أكون استفدج

ما قصرتي ^_^

أول شي لازم تخلصين أساسيات او لوازم العروس مثل:

1. تحجزين فستان العرس ( تحطين الميزانيه لفستان)
2. تحجزين الكوشه
3. تحجزين الماكيره والكوافيره
4. تحجزين مسكه
5. تحجزين فرقه او دي جي
6. تسوين بطاقات الدعوه للمعازيم
7. فستان (ليلة الحناء)
8. الذهب ( لازم تحطين ميزانيه وتعرفين كم طقم تبين)
9. تحجزين صبابات قهوه ( اذا تبين بس)
10. تحجزين استديو التصوير
11. تحجزين محنايه للحنا
12. ساعه ماركه ليوم العرس

اعتقد خلصنا من هالوازم العروس وعرفتي كيف تقسمين بيزاتج حق كل شي…..

الحين لازم تقسمين بيزاتج وتحطين ميزانيه للزهبه مثل:

1. تفصلين شيل وعبي مثلا ( عبايتين فيها شغل وايد ، وعبايتين فيها شغل خفيف، وعبايتين ساده اذا بتسافرون شهر العسل)….
2. قميص ليلة الدخله اللي فيها دانتيل ( تقدرين تاخذين من نعومي او لاسنزا يمكن على 1300 درهم)
3. مخاوير اللي فيها شغلات ومخاوير بسيطه للبيت………..
4. قمصان نوم بين طويل وقصير ( بس لا تكثرين وايد) لانه كل يوم يطلع موديل جديد
5. بيجامات
6. الملابس الداخليه (كثري فيها شوي لانج بتحتاجين تغيرين في اليوم كم مره)
7. جلابيات البيت
8. نعول
9. تنانير وقمصان
10. بناطلين وبديات
11. سوع
12. شنط
13. اكسسوارات مثل (طقم، خواتم…..الخ)
14. اكسسوارات الشعر مثل (شباصات…………الخ)
15. عطورات الجسم مثل (عطر الجسم + لوشن الجسم + شاور جل + كريمات للجسم)
16. الميك اب ( تقدرين تاخذين صندوق الميك اب لانه فهالصندوق موجود كل شي وتقدرين تاخذين من مكياجي)
17. الميك اب ( جلوسات + ارواج + كريمات اساس فاونديشن + بودره + بودرة بلو لمعه + قلم كحل + اي لاينر…الخ
18. عطورات فرنسيه وعربيه مثل (دهن العود والمسك)
19. بوك
20. سجادة الصلاه مع الشيله
21. نظارة الشمسيه
22. شيل للبيت
23. شباشب
24. شلح وصراويل
25. تفصيل فساتين بسيطه وناعمه (للزيارات اهل )بس لاتكثرين وايد…
26. مشط الشعر
27. ديودرنت مزيل العرق
28. دخون

طبعا خلصنا من أغراض الزهبه ( لكل غرض قسمي بيزاتج واكتبي في الجدول كم بتاخذين)

الحين دور صالونات يعني من ناحيه اهتمام بشره والشعر وتجهيز قبل العرس مثل ( حمام مغربي، حمام زيت، مانكير وبديكير، تشقير الجسم مع الوجه، حلاوه الجسم ، حف الوجه مع الحواجب، صبغة الشعر او قص الشعر، الحنا) تقريبا حطي 3000 درهم…