طلب لبنوووتي الحلوة

بليز أتمني تشاركوني وتعطوني فكرة حلوة لموديل عندي بنوتة عمرها سنه ونص الله يخليها لي يارب

في خاطري اسوي لها لعيد الاضحي بنطلون ويا قميص يعني مب شرط قميص أو صديري يعني في حركة حلوة غريبة ولو يدخل فيه فرو بعد كشخة

المهم أبغي شئ مميز تطلع فيه قصات أو حركات غريبة أنا وااايد يعجبني بنتي تطلع مميزة في العيد بين يهال العائلة

لان عيد الفطر فصلت لها فستان ويا طرحة يعني دائما فستان كل عيد بس إلحين أبغي اغييير

ولا تقولن لي دوري في النت لاني نخلته نخااااااااااال وأنا ادور فيه ..

ياريت تقترحون علييه ولا تحطون لي صور بكون شاكرة لكم حبايبي ..

انتي شراتي يالسه ادور لبنتي للعيد من الحين وكنت حاطه في بالي مدام الشتاء على الابواب وبيكون برد فقلت فرو او مخمل احسن شي لها ودورت فالنت وبعدني مارسيت على شي ..انا احيد فمونسون في اطواق فرو..وجاكيتات بس مونسون الكل ياخذ منه .. وع قياس بنتج روحي ماماز اند باباز عيد الاضحى اللي طاف كانوا منزلين تشكيله مخمل الفستان ويا نعاله وجاكيته وهلهوبه اما هالعيد ماعيبني شي ..وانتي من وين اذا من بوظبي راسليني بعطيج اسماء محلات يمكن تفيدج بس اغلبيتهم يبيعون ماركات وغالين ..

مره بالصدفه كنت رايحه خياط القصور فشارع المطار ولفت نظري تنوره وقميص فسالت الخياط اذا هو مخيطنه قالي هيه استغربت كانت القطعه قطعه النمر ثقيله شوي مثل القطعه الجاهزه ومطرز شكل ويه النمر قالي الحرمه شارتنه وهو ركبه على خلفيه الجاكيت ومسوي لهم شنط وشبرات والموديل كان تنوره وقميص وعليه جاكيت وهلهوب مطرز عليه نفس قطعه النمر ..بس كان الشغل نظيف والقطعه احلى واللي يشوفه يقول جاهز