ـالسلام عليكم خواتي بغيت اسال لو ياكم معرس شو اول شي تحبون تستفسرون عنه اهوه والا اهله يعني اخلاق الريال وطبايعه والا لازم بعد طبايع اهله وكيف تقولون طلباتكم وشروطكم يعني منو المفروض يحدد المهر والشبكه وهاي الامور :Sa
للرفع
لازم نسال عن الاثنين الولد واهله .. هالشي ضروري لان هذا زواج يعني بعيش ويااه طول العمر
وبعيش ويا اهله طول عمرري .. ولازم اعرف هم كيف طباايعهم و اخلاقهم والريال نفس الشي لازم
اعرف عن اخلاقه وشخصيته .. وبالنسبه للمهر والشبكه اولياء الامور هم اللي يحددون مب البنت ولا الولد
يعني ابو البنت هو اللي يحدد مهر البنت وشبكتها .. وبالنسبه للشروط في بنات مايتشرطوون عاادي وفي بنات مثلا شرطها انها يخليها تكمل دراستها او تطلع في بيت او شقه بروحها او يخليها تشتغل جيه يعني ..
ربي يوفقج أختي 
وأهم شي تسألينه عن خلقه ودينـه
وعن هدفـه من الزواج ورؤيته لنفسه بالمستقبل
ساهموا في حملة "أعينوهم"
لإغاثة منكوبي المجاعة في الصومال
على قناة "نور دبي"
يومي الثلاثاء والأربعاء 16 – 17 أغسطس
من الساعة 4:00 عصرا – 6:00 مساء
و من الساعة 10:30 مساء – 1:00 فجرا
6212 اغاثة الصومال 20 درهم
6215 اغاثة الصومال 100 درهم
حَدَّثَنَا خَالِدُ بْنُ خِدَاشٍ الْمُهَلَّبِيُّ ، وَعُبَيْدُ اللَّهِ بْنُ عُمَرَ الْجَشْمِيُّ ، قَالَا :
حَدَّثَنَا حَمَّادُ بْنُ زَيْدٍ ، عَنْ مُحَمَّدِ بْنِ وَاسِعٍ ، ذَكَرَ رَجُلٌ ، عَنْ أَبِي صَالِحٍ ،
عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
مَنْ فَرَّجَ عَنْ مُسْلِمٍ كُرْبَةً مِنْ كُرَبِ الدُّنْيَا فَرَّجَ اللَّهُ عَنْهُ كُرْبَةً مِنْ كُرَبِ الْآخِرَةِ ،
وَمَنْ سَتَرَ أَخَاهُ الْمُسْلِمَ فِي الدُّنْيَا سَتَرَهُ اللَّهُ فِي الدُّنْيَا وَالْآخِرَةِ ،
وَاللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ .
عن نفسي اول شي سألنا عن أخلاق ودين الريال ودوامه ووضعه ..
وسبحان الله مع كثرة اللي تسئلينهم -وعادي مب كل الكلام يطلع صح- بتعرفين الصج من الجذب خاصة اذا اكثر من شخص طرى صفة معينة فيه ..
أما بالنسبة للمهر وتحديده ها بعد الرؤية الشرعية اهل العروس والمعرس يتيمعون ويتفقون ع المهر سواء بين الرياييل او الحريم بس تجمع الرياييل شي مهم
طبعا اول شي عن الريال نفسه ووضعه المادي والاجتماعي والثقافي بعد
خاصة اذا البنت جامعية ومثقفه
ولازم بعد تساالون عن اهله
لانه اكيد متطبع بطبعهم
والمهر اهل البنت يحددونه
والشبكه في ناس تخليها ع المعرس وميزانيته
وفي ناس هم يحددون الشبكة بكم يبونها
وحاليا الذهب طاير فووووووووووووووووق
اذا الريال زين لاتتشرطون وايد واشتروا راحة بنتكم
ممكن تشرطون بالنسبة لدراسة البنت وسكنها وشغلها
لكن لاتدققون ع القاعة والكوشه والكماليات اللي ما تنفع