السلام عليكم ورحمة الله وبركاته
صباحكم/مساكم ورد
لاحظت وايد ناس يوم يسوون دياي ما يغسلونه زين واتم فيه ريحة
بس يحطونه في ماي وعقب يشلونه وقررت اكتب لكم الطريقة الصحيحة والنظيفة لغسله.
اول ما تظهرين الدياية بطليها من الكيس وحطيها في جدر فيه ماي وملح وخل وغطيها وخليها برى
لين يذوب منها الثلج وعقب يوم بتيين تطبخينها جبي الماي وخذي شوية طحين وافركي فيه الدياية
شوي شوي واغسليها, الطحين بيساعدج عشان ما يكون فيه اي ريحة في الدياي ولا زفارة.
تقديري
عليكم السلام ورحمة الله و بركاته
انا اسوي مثل طريقتج فالملح والخل
بس بعدين اثوره واحط معاه بهارات صحيحه عشان الريحه و الطعم ،،
ورق غار و قرفه وقرنفل وهيل ولومي يابس ،،
ماقصرتي عزيزتي ^^
و في بعد بالليمون
تيبين قطعه ليمون و تفركيها بالدجاج بيشيل ريحة الزفرة
و في طريقه اسلقي الدجاج مع نجمة اليانسون و اكليل الجبل بروحه تطلع ريحته شهيه مب لوصفات المجبوس و البرياني ﻻ لوصفات غير
حلو اختي أتذكر مره سويت طريقه .. نقعتها بالخل يعني كميه شوي وهي بارده وعصرت ليمون عليها .. طبعا الخل يكون بحراره عاديه
بعدين تركتها ليييين ماذاب الثلج … وغسلتها بماي عادي مع ليمون مره ثانيه .. ويمكن بعدين رشيت عليها شويه من طحين وخليتها .. وبعدين
عادي تبين في الماي تفوحيها او على زيت حسب المطلوب .. بس اكره التقطيع حاولت مره اطلع منها العظام وسويها مسحبه ماعرفت .. لو حد يعرف يخبرني
تسلمين خيتي