طريقة عنايتي ف ( الويه + الايادي )

حبيت احط موضوع فهالقسم من خلال تصويري لبعض المستحضرات اللي احسها مهمــه بالنسبالي وماقدر استغنى عنهاااا ،،
وكلها تقريبن استخدمها من اكثر عن سنه والحمدلله استفدت وايد ،،
واحب اقولكم بشرتي مختلطه ،، وبشره عن بشره تختلف ف مب كل شي يناسبني بيناسبكم

نبدا فالويـــــــــــه …

نصيحه (ابتعدن عن الماي الحار ،، الويه يحتاج لماي بارد )

صابونة ويهي اللي ماستغنى عنهاا

صابونة الكركـــــــم ،،،

صح انها تنشف الويه بس وايد فادتني من ناحية الحبوووب والحمدلله استخدمها من اكثر عن سنه ( يوميا)

منتجات الهملايااااا

طبعن كل حد يعرف انها حلوووه للويه

1) اهم مستحضر وهذا لو شو ماستغنى عنه

عبوة النيم للوجــه

( للبشره الدهنية والقابلة للأصابة بالبثووور)
وهو عباره عن نيم وكركم استخدمه مرتين فالاسبوع او مره ( السبت والثلاثاء )

2) قناع تفتيح البشره

ينظف ويفتح ويحمــــي
عباره عن زعفران وكركم والالوفيرا
حسيته فتح بشرتي وايد بس مع الاستخدام تبان النتيجه
تقدرين تستخدمينه مرتين فالاسبوع او مره بس بانتظام
انا استخدمه مره كل اسبوعين ( الخميس )

3) قناع مقشر باللوز والخيار

لفتح المسام المسدودة وتقشير النمش
عباره عن لوز وخيار واناناس ،، حسيته حلو حق البشره بس عن نفسي استخدمه مره كل اسبوعين وهو يوم (الخميس)

كريم النهاار او المرطب

من فتره خذته من مكياجي حلو وايد خفيف ع البشره احطه قبل الميكب

السن بلوك او ( واقي الشمس )

انا عن نفسي كنت استخدم واقي من لويس ويدمر تركيز 20 وااااااااااااااايد حلو ع البشره وخفيف حبيته وتميت عليه فتره عقب حبيت اغير فخذت

SVR50

فيه نسبة من الفاودنيشن حلو تحطينه واسيرين الدوام وانت مطمئنه
وانا مرات احط فوقه بودره ومرات لأ بس هو حلو ويا البودره او بدون ،،
صراحه حبيته وناويه اشتري منه مره ثانيه

البودره اللي استخدمها بعد من مكياجي بودر فاونديشن للصبايا

حلوه ع البشره مره خذت رقم 4 ومره خذت رقم 2 ،، احس رقم 4 ناسبتني اكثر ,,

خلصنا من الويه

طبعن كل يومين او مره فالاسبوع احب احط عليها ليمون وملح واقعد انظفها احس تنعم وتبيض ويروح السواد
فنااااانه الطريقه خذتها من المنتديات جربوها وعقب فتره بتحسوون بفرق واكيد وايد مجربينها و معرووف الليمون والملح حلو حق البشره ويبيضها

وبعد استخدم الجلوسليد

اسمحووولي التوقيع ركب فوق الاسم ههههههه وربي مانتبهت الا عقب ما حملت
بس تقدرون ادورون صورته فالنت وهو غني عن التعريف اكيد الكل يعرفه

حلو حسيته يبيض وينعم وايييد حبيته وتميت فتره مداومه عليه

ولازم ترطبين ايدج وانا استخدم مرطبين

الاول من سباميد

حلو ينعم الاييد ويقوي الاضافر ويحميها وانصحكم تستخدمووووونه

اما الثاني فهو من بودي شوب

الومند اويل حق الايييد وبعد الاضافر

واااااااااايد حلووو استويت ماستغنى عنه كل ما يخلص ارد اشتري منه جربوا وادعولي

وبجي خلص موضووعي اللي حبيت اشاركم فيه واتمنى انه يعيبكم

وكله من مجهودي الخاص وتصويري الفنتك واسمحوليه ع التقصير خواتي

ودعواتكــــم لي بأن الله ايسرلي امــــــــــــــوري ،،

هيه اكييييد والله جميل ويحب الجمااال

تسلميـــــن الغاليه ،، وايدييييييين اللي يحبوون يهتمــون