مرحبا، عساكم بخير ان شا الله
بنات انا سويت عود معطر، اشم الريحة حلوة بس يوم اي ادخن احس ريحة الخشب او ريحة مب حلوة غريبة
شريت عطور اصلية وخلطت عطر عربي وعطر فرنسي وهذي وصفة الهندي مال محل لعطور يقول كل الحريم يسوون جي وريحة لعطور طلعت تخبل قال لي حطي العود وخليه فالبرطمان 4 ايام وبس انا خليته اسبوع بس يوم احط العود عالجمر الريحة مب شي مع العلم ان خواتي يوم ادشون علي يشمون ريحة العطر من الباب
قمت وضفت مسك ابيض جامد وسائل حسب ناس قالولي وخبروني اخليه شهر وحطيت شوية زعفران
بنات شو قولكم شسوي والله مخسرة فلوووووس وايد على العود والعطور بس ما اعرف شو المشكلة بالضبط
يوم قلت للهندي يمكن من العود انه مب زين قال لي كل الحريم يسوون هالعود بس يقول ما اعرف شو يسوون عسب تثبت الريحة
تشمين العود ريحته روووووووووعة اما على الجمر مب شي وحرام اغش الناس ولكن بروحي خسرانه
ممكن حد يفيدني بليييييييييز
اتمنى حد يفيد الاخت ويفيدنا
بنات اتمنى ما تبخلوا علينا
والشي الثاني هو انج تحطين العطور إلي مستخدمتنها بكميه
أكثر عن إلي حطيتيها قبل, لأن العود يباله وقت عشان يتشرب
العطور وتصير من ريحته الأساسيه,,وفي نفس الوقت ياخذ
الوقت الكافي عشان تمسك الريحه عدل فيه.. وسلامتج …
أتمنى إني قدرت أفيدج.. اختي السائله..
بالتوفيق أختي
المشاركة الأصلية كتبت بواسطة جرح الحب!! 
والشي الثاني هو انج تحطين العطور إلي مستخدمتنها بكميه
أكثر عن إلي حطيتيها قبل, لأن العود يباله وقت عشان يتشرب
العطور وتصير من ريحته الأساسيه,,وفي نفس الوقت ياخذ
الوقت الكافي عشان تمسك الريحه عدل فيه.. وسلامتج …
أتمنى إني قدرت أفيدج.. اختي السائله..
تسلمين اختي عالمعلومه
مرحبا الغاليه..
الوالد من فتره سوت بس لازم تخليه فتره طويله يعني شهر او اكثر ونفس ما قالت اختي جرح الحب لازم تكون كميت الدهون والعطوره كثيره….