السلام عليكم ورحمة الله وبركاته
حبيت اليوم اراويكم طريقة صناعة الدخون باستخدام الخلطة الخاصة فيني بسبب طلب الاخوات
يالله نبتدي
الخطوة الاولى
نضع الخلطة في ملة كبيرة ونضيف لها العطر اللي انحبه
الخطوة الثانية
نضع ماي الورد فوق الخلطة والعطر
الخطوة الثالثة
نخلط المقادير جيدا لين يتجانس ويستوي قابل للتشكيل، مايكون سائل بل مايل للجفاف، وانضيف العطر وماي الورد على حسب احتياج العجين حتى يصير شرات اللي بالصورة
الخطوة الاخيرة
نشكل الدخون اما اقراص او كور
استخدمت جهاز الفلافل في تقريص الدخون، ثم نتركها تنشف مدة12ساعة
ثم نحفظها بغرشة ونخليها تتخمر على الاقل مدة اسبوعبن وبعدين نحرقها
الله يعطيج العافيه ان شاءالله
ياريت عزيزتي تخبرينا شو خلطة العطر ومن أي محل
ومشكوره حبوبه
ثانكس حبوبه
تسلميييين
مشكورة وبارك الله فيج يالغالية بس شو تقصدين بالخلطة اللي حطيتي فيها العطر وماي الورد؟ عود؟
المشاركة الأصلية كتبت بواسطة دبي 
ياريت عزيزتي تخبرينا شو خلطة العطر ومن أي محل
ومشكوره حبوبه
الله يسلمك ويعافيج عزيزتي
العطر الغالية من المشهور للعطورات وممكن تاخذين من اي محل ثاني
عندج محلات اجمل الحرمين سويس أريبيان المفنود وحامي للعطور
ممكن انحصلين العطور عند المحلات اللي تبيع العطور والدخون والعود بالأسواق شرات السوق القديم بالشارجة وسوق عكاظ بدبي والسوق الكويتي براس الخيمة ومحل أنوار مكة بعجمان والعديد من الاماكن
اتمنى انج استفدتي من ردي وأي استفسار أنا بالشوفة
بالنسبة لخلطة العطور استخدمت ورد طائفي وفيجي وعطر الهند واتيرنتي
ان شاءالله استفدتي من الرد